O charco de Ulises é a primera das tres producións propias desta temporada do Centro Dramático Galego.
A peza é unha versión libre da Odisea de Homero, traspasada a un contexto atlántico. Do mar ao océano. De Ítaca a Galicia. De Troia a Bos Aires. Do Mediterráneo ao Atlántico. En definitiva, unha comparativa coa emigración galega e ese sentimento de saudade propio da nosa terra.
Estes días, o Salón Teatro acolle os ensaios desta produción que parte dun texto escrito polo dramaturgo Santiago Cortegoso, que agora tamén se encarga da dirección da peza xunto a Marián Bañobre. O elenco de actores está compostor por Óscar Allo, Miguel Borines, Mónica Camaño, Rosalía Castro, Raquel Espada, Fran Paredes, Manuel Millán, Inés Salvado Gontad, Paulo Serantes e Chusa Pérez de Vallejo.
A estrea está prevista para o vindeiro 14 de xaneiro pero xa podemos botar unha ollada ás primeiras imaxes.
Marián Bañobre e Santiago Cortegoso falan sobre o proceso de dirección e escrita do espectáculo
Fran Paredes (Ulises) e Manuel Millán (Menelao e Laertes) comentan o traballo do elenco artístico
A única publicación periódica que ten como obxecto as artes escénicas galegas dende 1983.
