O Festaclown 2021 converterá Vilagarcía, un ano máis, na capital galega do clown e das risas do 16 ao 21 de agosto. 

As protagonistas do Festaclown serán as compañías galegas: Pedras de Cartón, Circo Chosco, Dani García, A Vela Circo, Sue Moreno ou Assircópatas. Completan a programación grandes nomes a nivel estatal e internacional como Tchyminigagua, Bergamotto Clown, Mayte Guevara, Rudi Dudi ou Eddy Eighty.

“Tras máis dun ano marcado pola covid, que volvan o clown, o circo e a cultura é agora máis necesario que nunca. Non sabemos se a risa é a mellor medicina, pero sen dúbida demostrou ser imprescindible para resistir”, afirma Nacho Fungueiriño, coordinador do Festaclown.

O compromiso social segue sendo o signo distintivo do Festaclown, como sinalan desde a organización, contando con actividades como o CheckPoint Clown de Pallasos en Rebeldía ou os espectáculos de narración oral pola igualdade e a diversidade, a cargo de Larraitz Urruzola e Xarope Tulú.

Para ir quecendo motores o 12 de agosto comezarán as actividades previas. Ese mesmo día terá lugar a celebración dos 20 anos de clown de Fran Rei e Pedro Brandariz cunha escolma dos seus mellores momentos cómicos. O día 13 o grupo de teatro Clámide celebrará os seus 40 anos de historia co seu particular Enfermo Imaxinario e o día 16 as rúas de Vilagarcía encheranse de ambiente e música con Troula e Somdolilá.

Vinte anos de historia

O Festiclown comezou sendo un soño de Iván Prado no ano 1999 dentro do Cultura Quente de Caldas, e que de vagar materializouse nun Festival Internacional de Clown que 20 anos despois acabou sendo referente internacional do circo comprometido. Hoxe é o único festival de clown que leva a risa, a rebeldía e a esperanza a distintos puntos do globo, un festival vivo e nómada que está onde o precisan.

Segundo os seus organizadores, Festiclown é unha forma de ser e de entender o mundo a través do clown, unha escola onde ensinar e onde aprender. É unha referencia global do humor solidario que ten deixado pousos en Galicia, Asturias, Madrid, Catalunya, Río de Janeiro, Bogotá, Wirikuta, Santa Catarina, Rio grande do Sul, Kariris Xocó e Palestina, onde se celebrou o primeiro festival de circo do mundo árabe e que xa vai pola V edición.

O Festiclow levou a risa ás rúas, a hospitais, teatros, campos de refuxiados, comunidades indíxenas, favelas.. Máis de 500 artistas teñen actuado no festival e uns 2.000 formáronse no mesmo.

Programación do Festaclown de Vilagarcía

Programación Festaclown Vilagarcía 2021

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos