Melania Cruz recibiu onte con sorpresa a nova do Premio da Cultura Galega 2022 como figura destacada nas Artes Escénicas galegas. A actriz e docente de 39 anos leva máis dunha década traballando no teatro e no audiovisual galego, converténdose nunha figura querida e admirada polo seu traballo profundo e comprometido. Membro de compañías como Il Maquinario, ou máis recentemente A Quinta do Cuadrante, ten recibido premios como o María Casares a mellor interpretación por Xardín suspenso, ou tres veces gañadora do Mestre Mateo.
Os Premios Cultura Galega 2022 distinguen cada ano a personalidades, entidades ou proxectos de relevancia nas categorías de Letras, Artes Visuais, Artes Escénicas, Música, Audiovisual, Lingua, Patrimonio Cultural e Proxección Exterior. Así, xunto a Melania Cruz, sumánse a este premio Marica Campo, María Vitoria Carballo-Calero, Música en Compostela, Xosé Manuel Gayoso, Manuel González, Xacarandaina e o programa Conciencia
Con estes galardóns, a Xunta distingue cada ano a excelencia creativa, a capacidade de intercambio, a experimentación e a proxección do panorama cultural en Galicia, así como o compromiso de proxectos, traxectorias e iniciativas que enriquecen a realidade e a identidade cultural da nosa comunidade.
