A inscrición segue aberta para seguir as sesións de xeito virtual a través das canles online que se habilitarán para este fin.

 

O I Congreso Internacional do Teatro Galego vén de pechar a inscrición presencial por completar o aforo da Cidade da Cultura. A partir destes momentos, as persoas que queiran inscribirse podelo facelo para participar exclusivamente de xeito virtual, a través das canles online polas que será retransmitido o evento.

O I Congreso Galego do Teatro celebrarase os día 7, 8, 9 e 10 de outubro, na Cidade da Cultura despois de que a súa celebración tivese que ser suspendida en marzo por causa da pandemia de Covid-19. Malia as dificultades organizativas derivadas da situación, o Congreso logrou suscitar o interese do mundo do teatro e da cultura, ata o punto de que as prazas se esgotaron dúas semanas antes de que comecen as sesións na Cidade da Cultura.

A Academia Galega de Teatro, organizadora do Congreso, traballou arreo durante estes meses para desenvolver todas as actividades no contexto actual da crise sanitaria, e tomaranse todas as medidas sanitarias e de distanciamento necesarias para garantir a seguridade de todos os asistentes fronte á Covid-19, compatibilizando a asistencia presencial e virtual dos participantes.

O Congreso ten un duplo obxectivo: por unha banda, analizar o pasado e o presente do teatro galego a través de comunicacións, mesas redondas e sesións plenarias dende unha perspectiva académica que contribúa a un mellor coñecemento do sistema teatral de Galicia. Por outra, deseñar, a través do debate, os principios teóricos que deben guiar a creación dun plan estratéxico e dunha lexislación que ampare a creación e distribución escénica para a vindeira década. Equilibraranse así dúas perspectivas –académica e política– para deseñar o futuro do teatro galego.

O programa do congreso xa está fechado e pode consultarse no seu web: www.congresodoteatro.gal

 

Tres grandes ámbitos temáticos

O Congreso Internacional do Teatro Galego artellarase arredor de tres grandes ámbitos temáticos: “Experiencia acumulada”, que inclúe a análise do proceso de profesionalización, a evolución das programacións teatrais nos últimos 20 anos, e a análise da evolución dos espazos escénicos; ”Retos actuais2, que desenvolverá os epígrafes ‘A crise da profesión teatral e os seus oficios; conflitos laborais e sociais’, ‘As programacións teatrais en Galicia’, e ‘Por un teatro inclusivo’; e “Modelos externos”, que analizará o modelo portugués, outros modelos europeos e modelos americanos.

Unha ducia de Mesas de Traballo debullarán temas como “A creación e o público”; “Distribución”; “Difusión e formación”; “Teatro Afeccionado; “Teatro de Monicreques”; “Produción e xestión”; ou “Creación, xestión e público”. Unha vintena de comunicacións particulares, por outra banda, analizarán cuestións como a deontoloxía na profesión teatral, o emprendemento, as aulas universitarias de teatro, a tradución de textos teatrais, os procesos colaborativos ou a dramaturxia actual, entre outros.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos