Titiriberia 2020

PUBLICIDADE

O festival, único do seu xénero na Península Ibérica, celebrará desde este martes e até finais de decembro a súa quinta edición cunha ducia de funcións e a participación de nove compañías.

 

O Festival Titiriberia, organizado pola Asociación Morreu o Demo coa colaboración do Concello de Rianxo e a Deputación da Coruña, celebrará a súa quinta edición na vila da comarca da Barbanza entre os días 22 e 30 de decembro. Un total de doce funcións conformarán o programa deste ano, no que tamén se inclúen mesas redondas, exposicións e obradoiros.

Na edición de 2020, a primeira que se celebrará en Rianxo tras catro anos no municipio de Teo, o Titiriberia incluirá unha programación cuxo obxectivo principal será, un ano máis, achegarlle ao público a longa tradición do títere tradicional, xénero escénico cun gran arraigamento histórico na cultura galega. Neste ano tan insólito e complexo por mor da pandemia, o festival adaptarase ás circunstancias, cumprindo co máximo rigor con todas as medidas sanitarias en canto á protección individual e a limitacións de aforos. Ademais, para garantir o máximo acceso posible ao público, poderase seguir pola rede o conxunto da programación a través da canle de YouTube do festival.

 

Programación

Ao longo dos sete días presenciais que durará o festival, pasarán por Rianxo compañías como Viravolta Títeres, Diáspora Teatro, Seisdedos Marionetas, Fantoches Baj, , Xirapaus ou a Cova das Letras, o colectivo Indignati (Asociación Galega de Commedia dell’Arte), artistas como Fran Rei, de Títeres Alakrán, Iria Pinheiro, Lucho Penabade, Tero Rodríguez e Esther Carrodeguas, ou grupos de música como Áureas. Todos estes nomes tecerán coas súas actuacións o programa deste Titiriberia en Rianxo que, ademais, terá na descentralización unha das súas características, xa que os espectáculos se repartirá por diferentes espazos da vila.

A programación iníciase este martes, 22 de decembro, da man da compañía , que ofrecerá dous pases d’O horroroso crime de Xan Miñoca, espectáculo de títeres de cachaporra con música de piano en directo. Será ese o inicio dun programa que, entre os seus pratos fortes, conta con As varietés do , un formato multidisciplinar que mestura os monicreques co cabaré, a música, a poesía e o escapismo. O último día do festival actuarán Esther Carrodeguas, Tero Rodríguez, Lucho Penabade, Pajarito, María Dobronich, Borxa Ínsua e Lázaro Duyos no Auditorio Municipal de Rianxo. As varietés do Barriga Verde estará conducido por Iria Pinheiro que contará co acompañamento escénico-musical do grupo Áureas.

 

Commedia dell’Arte e a cachaporra

A Commedia dell’Arte será a protagonista en diversos momentos do programa desta edición. O actor, director e profesor na Escola Superior de Arte Dramática de Galicia (ESAD), Fernando Llera, ofrecerá a conferencia Commedia dell’Arte: artesanía teatral, o sábado 26 de decembro ás 19.30 h. no Centro Sociocultural ‘A capela do Araño’. O propio Llera impartirá, por outra banda, un Obradoiro de iniciación á Commedia dell’Arte os días 26 e 27 no mesmo recinto.

Outra das actividades que destacan da programación é unha mesa redonda que terá lugar o vindeiro 28 de decembro ás 20.00 h. no Auditorio de Rianxo que, baixo o título A innovación da Cachaporra. Novos xeitos para traballar a tradición, reunirá a Santi Prego, Inacio Vilariño e Alba Grande. Moderada por Comba Campoi, a mesa se centrará na tradición e na innovación no histórico xénero da cachaporra.

 

Consulta o programa completo do Titiriberia 2020 aquí.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete ao boletín á newsletter

Recibe no teu email as novas, artigos, entrevistas e contidos da Erregueté para que non perdas unha!