Actualidade, Danza

João Fiadeiro
Imaxe: De longe era uma ilha, performance de João Fiadeiro

PUBLICIDADE

Os días 11 e 12 de marzo desenvolveranse no Teatro Colón, na Coruña, as xornadas de danza e artes vivas A Cultura (Plural) é un Dereito. O programa está comisariado por Caterina Varela e Sabela Mendoza, coordinadoras do proxecto Cara a unha escena plural, que impulsa a circulación da danza e artes vivas de carácter profesional en Galicia, e estrutúrase en cinco bloques: tres o xoves, e dous o venres.

O primeiro, “Un teatro para a danza, a danza en todos os teatros”, inclúe unha mesa de debate arredor desa cuestión; a presentación e coloquio arredor do proxecto Cara a unha escena plural, coa participación das súas coordinadoras e dos responsables dos teatros colaboradores; e unha presentación e coloquio arredor das residencias artísticas en Galicia.

No bloque dous, “A danza nos medios: entre a divulgación, a crítica especializada e o debate social”, haberá unha mesa de debate arredor desta cuestión, con persoas vinculadas a diferentes medios e plataformas. E, no bloque tres,  tratarase o tema “Renovar as relacións: territorio, mobilidade e sostibilidade”.

O bloque catro, “Innovación xurídica, participación e cooperación”, abordará varias presentacións e mesas de debate arredor dos procesos participativos para as políticas públicas, a innovación xurídica e participación para as artes vivas, a creación independente e a participación e colaboración nos procesos de creación en danza.

Por último, o bloque cinco, “Códigos deontolóxicos: ética e estética”, xirará arredor da deontoloxía na danza, a ética e as boas prácticas no traballo performativo, os valores na xestión de proxectos públicos de artes vivas e os códigos deontolóxicos en relación coa ética e a estética.

Ademais, os días 8, 9 e 10 de marzo o coreógrafo portugués João Fiadeiro impartirá un obradoiro no Centro Ágora da Coruña sobre a composición en tempo real, unha ferramenta teórico-práctica que estuda, problematiza e sistematiza a experiencia de improvisación e composición en arte, utilizando o campo proporcionado pola danza contemporánea como territorio privilexiado de investigación e aplicación. A asistencia é gratuíta previa inscrición.

Pode consultarse aquí o programa completo e cubrir o formulario de inscrición.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos