32m2
Fotografía de Serxo González

PUBLICIDADE

A compañía dirixida por Esther F. Carrodeguas e Xavier Castiñeira propón, no aniversario do confinamento de 2020, unha traxicomedia sobre o encerro derivado da pandemia da COVID-19 que se basea na propia experiencia dos autores. O Auditorio Municipal de Vigo acollerá o venres día 12 e o sábado 13, dúas funcións da obra antes dunha Xira Confinada por Galicia ao longo da primavera.

Coincidindo coa celebración do primeiro aniversario do confinamento por mor da COVID-19, ButacaZero estrea en Vigo o seu novo espectáculo: a traxicomedia 32m², unha peza de teatro absurdo que ten como base a propia experiencia dos autores durante o encerro da pasada primavera.

O novo proxecto de Xavier Castiñeira e Esther F. Carrodeguas chega ao Auditorio Municipal da cidade olívica con todas as entradas esgotadas para as funcións do venres 12 e do sábado 13. A través de elementos cómicos e tráxicos, 32m² pon o foco sobre a convivencia da sociedade coa precariedade e as desigualdades na súa vida cotiá a través da mirada de Mar e Xan (interpretados por Nuria Gullón e Xurxo Cortázar), unha parella que se considera “antisistema” e que habita con tranquilidade nun pequeno piso dunha superficie de 32 metros cadrados ata que, de súpeto, un día confinan a toda a poboación. Cuestións como a soidade, o abandono, as complexidades das relacións interpersoais ou o estrés e o os ritmos frenéticos impostos na “vella normalidade” serán algúns dos temas que se visualizarán nesta peza.

O espectáculo, que conta cunha banda sonora orixinal creada polo músico asturiano e axitador folclórico Rodrigo Cuevas, nace coa vontade de ofrecer unha ollada singular, reflexiva e “sandadora” ante unha situación que marcou, e marcará, a vida de toda unha sociedade.

Cremos que todo o mundo se poderá sentir identificado coa obra, pois todos mercamos un chisco máis de papel hixiénico do habitual, todas aplaudimos puntuais ás 20h, e finalmente acabamos por descubrir a merda que tiñamos debaixo das propias alfombras. Con ela propoñemos botar unha ollada a unha situación que marcou a vida de toda a nosa sociedade e recoñecernos en situacións absurdas que nos permitan comezar a curar as feridas e render homenaxe a quen marchou ou quen deixou o mellor de si mesmos nesta distopía”, expoñen Carrodeguas e Castiñeira.

Ficha técnica e artística

En escena: Nuria Gullón e Xurxo Cortázar
Texto: Esther F. Carrodeguas
Dirección: Esther F. Carrodeguas e Xavier Castiñeira
Música orixinal: Rodrigo Cuevas
Escenografía e luz: Beatriz de Vega
Construción: José Faro ‘Coti’
Vestiario: Alicia Root
Axudante de dirección: Anxo Outumuro
Produción e distribución: Esther F. Carrodeguas

Apoio: AGADIC/Xunta de Galicia 
Colaboración especial: GADIS e Reizentolo

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos