Volve o programa Atopémonos Bailando, o ciclo de residencias de creación que a compañía Colectivo Glovo puxo en pé no 2020. O proxecto de reactivación de espectáculos de danza impulsado por Esther Latorre e Hugo Pereira, conta co apoio do Concello de Lugo e Agadic e acaba de dar a coñecer os proxectos e artistas seleccionados para a súa vindeira edición.
Foron seleccionados os proxectos de Sofía Kafol (Portugal), Paula Quintas (Galicia), Sabela Mendoza (Galicia), Sonsoles Cordón (Galicia), Lucía Marote (Madrid) e Alba González Herrera (Madrid) que realizarán 6 residencias artísticas ou de investigación en danza e artes do movemento no Museo Interactivo da Historia de Lugo MIHL.
O programa recibiu un total de 93 proxectos dos que 32 son de Galicia, 50 do resto do Estado e 11 de Portugal, o que confirma o éxito da proposta de consolidación e reactivación da danza e as artes do movemento.
As residencias realizaranse de maio a finais de outubro cunha duración de entre 5 e 10 días. Os proxectos seleccionados realizarán ademáis unha actividade de mediación coa cidadanía de Lugo como agradecemento ao apoio ao seu proxecto e devolución social do investimento.
A convocatoria de Atopémonos Bailando pretende apoiar a compañías galegas convocando tres residencias para os artistas da nosa comunidade, así como conectar Galicia con Portugal e abrirse ao resto de España con unha e dúas residencias respectivamente.
