‘A Galiña Azul’ de Tanxarina, Mellor Espectáculo de Títeres en Feten 2018

A obra A galiña azul de Títeres Tanxarina foi galardonada co Premio ao Mellor Espectáculo de Títeres no FETEN (Feria de Teatro Para Niños y Niñas) de Xixón. A obra –unha adaptación do conto de Carlos Casares con texto e dirección de Cándido Pazó– combina en escena técnicas de manipulación de bonecos e a presenza sobre as táboas dos actores Miguel Borines Fernández, Andrés Giráldez Rio e Eduardo Tatán. O espectáculo estreouse no marco da Mostra de Teatro Cómico e Festivo de Cangas do Morrazo, unha vila na que Casares exerceu como mestre durante os anos setenta e moi relacionada, polo tanto, coa traxectoria literaria e vital do autor.

FETEN supón un encontro de referencia anual para o gran público que congrega, así como para profesionais de todo o estado, que se acreditan para non perder nada durante seis xornadas. Está considerada como a máis prestixiosa feira de teatro infantil.

O Palmarés completo da edición deste ano foi o seguinte:

  • Premio á mellor proposta plástica, á compañía Colectivo Terrón, polo espectáculo Tierra Efímera
  • Premio ao mellor espazo escénico,á compañía Marie de Jongh, polo espectáculo Estrella.
  • Premio ao mellor espazo sonoro, á compañía Arawake, polo espectáculo En busca del fuego.
  • Premio ao mellor espectáculo Danza-Teatro, a Nana, una canción de cuna diferente, da compañía Proyecto NaNa.
  • Premio á mellor proposta de Teatro e Inclusión, a Farrés Brothers i cia, polo espectáculo El silencio de Hamelin.
  • Premio ao mellor espectáculo de pequeno formato, a Vida, da compañía Javier Aranda.
  • Premio aos mellores intérpretes, a Isabel Moreno e Esteban G. Ballesteros, polo espectáculo Lo que queda de nosotros, da compañía Bachata Rent – El Desván Producciones.
  • Premio á mellor dirección a Jordi Purtí, da Orquestra de Cambra del Empordà, polo espectáculo Concerto a Tempo d’Umore.
  • Premio ao mellor espectáculo para a Primera Infancia, a La granja, da compañía Teloncillo Teatro.
  • Premio ao mellor espectáculo de títeres, a A galiña azul de Títeres Tanxarina
  • Premio ao mellor espectáculo de Danza, a Amelia, da compañía Marea Danza.
  • Premio ao mellor espectáculo FETEN 2018, a Ludo Circus Show, da compañía Ludo Circus.
  • Premio FETEN 2018, ao Mellor Espectáculo de Rúa a LA NORDIKA CIRCO Y DANZA, polo espectáculo Rojo Estándar.
  • Premio FETEN 2018, ao Mellor Espectáculo en espazo non convencional, á compañía COMPAGNIE CREATURE polo espectáculo Les irrèels.
  • Premio FETEN 2018 ao Mellor Espectáculo de noite a LA TROCOLA CIRC polo espectáculo Emporta.

 

 

 

Deixar unha resposta