A MITCFC afronta a súa 38 edición con dez días de teatro entre o 1 e o 10 de xullo, vinte espectáculos, catro estreas absolutas, un recoñecemento a Camilo Franco e un acto de homenaxe a Xosé Manuel Pazos.
O mes de xullo arrancará coa inauguración da 38 edición da Mostra Internacional de Teatro Cómico e Festivo de Cangas (MITCFC), que encherá de teatro a vila ao longo de dez días. Entre o 1 e o 10 de xullo, Cangas será escenario de máis de 20 espectáculos co obxectivo de que veciños e visitantes poidan gozar do mellor teatro cómico feito dentro e fóra de Galicia, así como de obradoiros e dunha serie de eventos, exposicións e actividades en espazos alternativos que completan a programación do ano 2021.
Na 38ª MITCFC haberá 4 estreas absolutas: tres delas coproducidas pola MITCFC (Isolada, Abradacaver e Cantingjo), unha estrea en España (Espécies Lázaro de Teatro Art’Imagem) e oito estreas en Galicia (La Xirgu, Secretos de alcoba, La señorita doña Margarita, El viento es salvaje, Al otro lado, Comando señoras, Ritos de amor y guerra e Water falls). Entre os espectáculos que se poderán ver en Cangas atópanse dous que recibiron en 2020 Premios Max: El viento es salvaje, Mellor Espectáculo Revelación, e Al otro lado, Mellor Espectáculo de Rúa.
Esta edición da MITCFC comezará o día 1 de xullo coa inauguración dunha exposición documental e unha homenaxe a Xosé Manuel Pazos Varela, alcalde de Cangas finado en xaneiro deste ano. Trinta e oito anos despois de que Pazos, xunto a un pequeno grupo de persoas, idease e crease esta Mostra, “queremos facer un recoñecemento á súa persoa e ao seu labor, a través dunha sinxela homenaxe composta por unha exposición documental e un acto lúdico no que estarán presentes as artes que tanto amou, teatro, danza, poesía, música… e a súa xente”, explica a organización.
O pregón, que se celebrará o venres 2 de xullo, correrá a cargo do actor Fran Paredes. Nado en Moaña aínda que veciño de Cangas desde hai anos, Paredes traballou en numerosas obras de teatro, así como en cine e televisión, con intervencións nas series O Faro, Fariña e, recentemente, en O charco de Ulises, produción do CDG.
A organización da XXXVIII MITCFC concede o Premo Xiria ao Labor Teatral ao narrador, xornalista e crítico teatral Camilo Franco, en recoñecemento “ao seu importante labor” como xornalista cultural e, particularmente, polo exercido como crítico teatral en xornais e medios de comunicación de Galicia e co que demostrou, ao longo de tantos anos, “un empeño extraordinario por dignificar o teatro galego”.
Tamén haberá espazo nesta edición da MITCFC para a erregueté | Revista Galega de Teatro, cunha gala no Auditorio Municipal de Cangas o martes 6 de xullo na que celebraremos os 100 números da nosa revista e presentaremos o número 101.
Teatro no Auditorio Municipal de Cangas
![Mocos (2 de xullo)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Mocos-2-de-xullo-255x360.jpg)
![La señorita doña Margarita (3 de xullo)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/La-senorita-dona-Margarita-3-de-xullo-252x360.jpg)
![El viento es salvaje (4 de xullo)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/El-viento-es-salvaje-4-de-xullo-255x360.jpg)
![Semente. O home que plantaba árbores (7 de xullo)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Semente.-O-home-que-plantaba-arbores-7-de-xullo-254x360.jpg)
![Espécies Lázaro (8 de xullo)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Especies-Lazaro-8-de-xullo-255x360.jpg)
![Ritos de amor y guerra (9 de xullo)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Ritos-de-amor-y-guerra-9-de-xullo-509x360.jpg)
![A contenda (10 de xullo)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/A-contenda-10-de-xullo-255x360.jpg)
Teatro de rúa
![Water Falls](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Water-Falls-255x360.jpg)
![Abracadaver](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Abracadaver-255x360.jpg)
![Ghop!](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Ghop-255x360.jpg)
![Comando Señoras](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Comando-Senoras-240x360.jpg)
![Al otro lado](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Al-otro-lado-255x360.jpg)
![Victoria](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Victoria-255x360.jpg)
![Isolada](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Isolada-257x360.jpg)
![El gran Braulio](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/El-gran-Braulio-255x360.jpg)
![O monte das Aras](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/O-monte-das-Aras-255x360.jpg)
![Secretos de alcoba](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Secretos-de-alcoba-274x360.jpg)
![CastingJO](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/CastingJO-245x360.jpg)
Espazos alternativos
![V Torneo de Dramaturxia de Galicia](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/V-Torneo-de-Dramaturxia-de-Galicia-255x360.jpg)
![Salón des refusés](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Salon-des-refuses-504x360.jpg)
![Vencerse é cousa de se tratar](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/Vencerse-e-cousa-de-se-tratar-539x360.jpg)
![La Xirgu](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/La-Xirgu-255x360.jpg)
![A que non podes dicir Coca-Cola? (II)](https://sp-ao.shortpixel.ai/client/to_auto,q_glossy,ret_img/https://erreguete.gal/wp-content/uploads/2021/06/A-que-non-podes-dicir-Coca-Cola-255x360.jpg)
Mulleres en Acción
As Xornadas Mulleres en Acción chegan este ano á súa XXI edición cunha programación que tratará, un ano máis, de potenciar e dar visibilidade ao traballo das mulleres dentro da cultura e, en concreto, das artes escénicos. Os actos inclúen exposicións, obradoiros e charlas-coloquios. Este ano, a organización decidiu outorgarlle o Premio Mulleres en Acción a Margarita Ledo Andión, en recoñecemento ao seu labor como escritora, cineasta, investigadora e docente. A organización da Mostra concédelle esta galardón “por apostar, no ámbito académico, por una educación en comunicación audiovisual con perspectiva de xénero. E, como cineasta, por utilizar o ollo da cámara ao servizo do corpo e da realidade das mulleres”.
Programa completo da XXXVIII Mostra Internacional de Teatro Cómico e Festivo de Cangas (MITCFC)