Daniel Leszo

Bailarín, actor e performer por vocación, por amor á arte, como manifesto corpóreo da revolución silenciosa. Desenvolvo o meu traballo dende a práctica corporal e a creación escénica como espazos de reflexión e cuestionamento das normas con exceso de testosterona, é dicir, da masculinidade hexemónica. Formado en danza contemporánea, arte dramática e ioga, transito entre estes campos coa vontade de romper marcos únicos de lectura e producir outras narrativas posibles, afondando na construción dunha danza que cuestione os roles de xénero dende unha ollada íntima e política, procurando abrir espazos de vulnerabilidade e resistencia dende o corpo.