in ,

GALERÍA | ‘Escenas (Con)Textualizadas’ no Escenas do Cambio 2022

'SOBRE O BALEIRO' de Ana Abad de Larriva10
'SOBRE O BALEIRO' de Ana Abad de Larriva. Imaxe: Afonso Becerra

ESCENAS (CON)TEXTUALIZADAS

Unhas notas de Afonso Becerra

En Escenas do Cambio 2022, 5 creadoras de Galiza xeran 5 propostas moi diferentes para 5 espazos da Cidade da .

MURMURIOS CUÁNTICOS de , comeza a brincar con algo serio, con estar a piques parir, nun monólogo dirixido a nós. Logo tómbase no chan e sepárase da barriga. Deitada á beira, monologa coa nai que morreu no intre do parto. Poema escénico sobre a vida e a morte, a luz e a escuridade, desde o humor e a tenrura.

SEX de é outro poema escénico sobre a luz e a escuridade das relacións afectivo-sexuais. Aquí desdóbrase a voz, gravada en galego e directa en alemán, a lingua materna. Os zapatos de tacón altísimo, a nudez estilizada nun movemento que nos interpela desde a intimidade exposta, igual que o fai a palabra. Soidade vs procura do outro.

PUBLICIDADE

A LOS CLAROS DEL BOSQUE NO SE VA A PREGUNTAR de Ana Vallés é un conto, tamén sobre a procura. Na escuridade da sala, sentimos máis do que vemos a Ana, que pasea e nos fala da necesidade de pasear, de procurar sen comenencias. As clareiras do bosque están baleiras, pero tamén están cheas. Igual que esas raiolas que amplía a danza de Nuria Sotelo.

SER TOMADA POR GRANITO (CON ÚRSULA K. LE GUIN) de tamén é unha performance de poderoso contido ideolóxico, un xogar ensaístico de dúas mulleres, Gena e Andrea Quintana, que nos convocan. Desde o pranto, teoricamente inmotivado e brutal, na ironía sobre o finximento actoral, até as cabezas cuadriculadas de granito. Mentir para aturar e para crear a fortaleza que o social nos parece pedir.

SOBRE O BALEIRO de Ana Abad de Larriva, tralo mostrador de recepción da entrada do Museo do Gaiás é unha denuncia sobre o execeso de ruído, présa, traballo, información… Abad esmigalla coa voz e os sons gravados todo ese monte de pesos innecesarios que nos abafan e co corpo mantén un discurso paralelo, con notas de pantomima e teatro físico. A automanipulación corporal e xestual crúzase, ademais, de maneira lúdica, coa beleza das imaxes de vídeo. Ana por veces lembra ao Charlot de Tempos modernos, nesa automatización case pallasesca, pero moi existencial.

PUBLICIDADE

 

 

PUBLICIDADE
PUBLICIDADE
NULL string(80) "SHORTCODE: [gallery mace_type="lightbox" mace_title="Your gallery title" ids=" ]"
Afonso Becerra

Afonso Becerra

Director da erregueté | Revista Galega de Teatro. Pertence ao seu Consello de Redacción desde o 2006. Doutor en Artes Escénicas pola Universitat Autònoma de Barcelona. Titulado Superior en Dirección escénica e dramaturxia polo Institut del Teatre de Barcelona. Titulado en Interpretación polo ITAE de Asturies. Dramaturgo e director de escena. Exerce a docencia en dramaturxia e escrita dramática na ESAD de Galiza desde o ano 2005. É colaborador, entre outras publicacións, de revistas de cultura e artes performativas como 'ARTEZBLAI', 'Primer Acto', 'Danza en escena', 'Tempos Novos'. Entre setembro de 2019 e xuño de 2021 foi colaborador especialista en artes escénicas da CRTVG, no programa 'ZIGZAG' da TVG.
Premio Álvaro Cunqueiro da Xunta de Galicia en 2001. Premio María Casares á Mellor Adaptación teatral en 2016. Premio de Honra do Festival de Teatro Galego, FETEGA, do Carballiño (Ourense) en 2020. Mención Honrosa no Premio Internacional de Xornalismo Carlos Porto 2019 do Festival de Almada (Portugal, 2020).

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    FIT Redondela

    O Festival de Títeres de Redondela abre a billeteira para os espectáculos de sala

    Carlos alvarez ossorio gala maria casares

    Carlos Álvarez-Ossorio dirixe a Gala dos María Casares 2022 que conmemorará o centenario da actriz