in

Premio Maruxa Villanueva para Eduardo R. Cunha, “Tatán”

tatán1
[Actualizado a 8 de febreiro de 2018]

Eduardo Alberte Rodríguez Cunha ‘”Tatán” resultou gañador da edición deste ano do . Un xurado composto por Lorena Couso, Afonso Becerra, Carlos Biscainho, Comba Campoy, Inma López Silva, Roberto Pascual e a animadora social do Concello de Padrón, María Cruz Taboada Álvarez, como secretaria, deciciu outorgar esta tarde o premio ao veterano fundador da histórica compañía .

Segundo o criterio do xurado, “Tatán” resultou merecente do galardón pola súa “longa traxectoria e o maxisterio no teatro de obxectos”, así como pola súa contribución “á construción dun teatro de títeres galego moderno”. “A carón de Tanxarina Títeres proxectou internacionalmente a produción galega de teatro de obxectos, con especial atención á lusofonía”, destacou o xurado. Ademais, valorou “o seu traballo de base en Redondela, onde contribuíu á creación de novos públicos para o teatro a través da Mostra Internacional de Títeres de Redondela” e incidiu en que “proba de todo isto pódese atopar na Galiña Azul, o seu último espectáculo estreado en 2017”.

Dende a súa fundación en 1983, Tanxarina converteuse nun referente imprescindible do teatro de títeres dentro e fóra de Galicia, combinando a manipulación de monecos con traballo actoral, música e animacións diversas.

PUBLICIDADE

Tatán, ademais dun recoñecido e histórico profesional, foi o impulsor dos primeros festivais de títeres de Galicia –nomeadamente o de Redondela, do que foi director durante varios anos– e un incansable loitador pola dignificación do oficio de titiriteiro. Tamén é un precursor, no noso país, na defensa do teatro de monicreques para adultos.

O concello de Padrón outorga o premio Maruxa Villanueva dende o ano 2001 e, entre os gañadores, atópanse, María Barcala, Gustavo Pernas, Mónica Camaño, Luísa Merelas, Xose Manuel Olveira “Pico”, Roberto Vidal Bolaño, Susana Dans… e outros moitos referentes da escena galega.

A concelleira de Cultura e presidenta do xurado adiantou que o acto de entrega do premio levarase a cabo no mes de novembro en Padrón, coincidindo coa apertura da programación do Outono Cultural.

PUBLICIDADE

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    titerentroido

    Os contos tradicionais cítanse en Titerentroido

    CamiñoSantiago

    Aberta a inscrición de espectáculos para o VI Cultura no Camiño