Actualidade

A Panadaría gaña o Premio do Público da MIT de Ribadavia con ‘Elisa e Marcela’

PUBLICIDADE

O Premio do público da Mostra Internacional de Teatro de Ribadavia recaeu na compañía A Panadaría, co espectáculo Elisa e Marcela, superando só por décimas á segunda máis votada, a mexicana Los Colochos con Mendoza.

A MIT remata esta edición cun récord de asistencia de espectadores, chegando case ao 100% da ocupación das localidades no Castelo e cunha participación masiva nas rúas e nas actividades paralelas.

Na MIT xurdiron temas relevantes como a pouca valoración do oficio da escenografía por parte de organismos coma a AGADIC da Xunta de Galicia nos proxectos de axudas públicas a produción de espectáculos, o precario mantemento e dotación dos teatros e auditorios de Galicia (moitos deles pechados á actividade escénica a maior parte do ano), a escasa tarefa que dende a administración se está a facer en relación coa proxección exterior do teatro galego ou a necesidade de dotar máis a un festival defendido por un volume de xente cada vez maior.

Segundo a organización, “a MIT é un encontro festivo, reivindicativo, que traballa para o común e que precisa mellorar o seu financiamento con urxencia”. A Mostra cre que “dende a periferia, o teatro galego pode estar na vangarda”, e que “grazas á coprodución de Commedia, acompañará e abrirá portas e camiños para o espectáculo dirixido por Cándido Pazó e servirá de embaixadora en encontros de Brasil, México e Uruguai, a onde o festival xa foi convidado a participar grazas aos intercambios e redes establecidas” no marco desta edición.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos