A programación das festas de María Pita 2018, que levan por lema A cidade soñada e que se celebrarán entre o 1 e o 26 de agosto, inclúe unha boa dose de artes escénicas, especialmente para os máis cativos.

Durante a Feira do Libro, haberá intervencións escénicas no Xardín dos Libros, na zona Atalaia dos Xardíns de Méndez Núñez: narración oral a cargo de Soledad Felloza (días 1 e 3), Caxoto (días 2 e 10), Charo Pita (días 4 e 6), Raquel Queizás (día 5), Ramiro Neira (días 7 e 9) e Pérez & Fernández (día 8). Haberá tres pases cada día, ás 18:00, 19:00 e 19:30.

Aparte da narración oral, no Xardín dos libros presentaranse espectáculos de rúa durante todos os días da Feira do Libro. Pajarito representará a obra A vida tola o día 1; Pulpiño Viascón, Os instrumentos máxicos o día 2; Pistacatro levará O autoestopista intergaláctico o día 3; o día 4, Pakolas presentará As parábolas de Pakolas; o día 5 será a quenda de Pablo Trasno co seu Trasno; Silvia Penide e César de Centi estarán o día 6 con A viaxe da palabra; o Capitán Garfo e Cociñando música chegarán o día 7; o día 8, Dinamo Teatro representará O cataventos;  o día 9 volve Pistacatro, esta vez con Jano sen medidas; finalmente o Mago Román internaranos nun Labirinto de ilusións o día 10. Todas as actuacións serán ás 20:00.

Tamén se consolida o ciclo itinerante Familirúa, que achegará actuacións a sete barrios diferentes da cidade. Dentro deste ciclo, o día 6, Brinca Vai presentará De aquí e de acolá na Praza do Campo da Leña. O día 8, haberá unha actuación de AsacoCirco na Praza de Vigo. O día 10, Romaría de Raquel Queizás estará na Praza da Tabacalera. O mércores 15, Marián Ledesma estará na rúa da Gaiteira coa súa Música de contos. O 17, será a quenda da Compañía Sue Moreno e o seu 4.0. O día 22, no Parque de Eirís, Pablo díaz presentará Tic, tac, toc. O ciclo rematará o día 25, no Parque do Novo Mesoiro, con Nono, de Pistacatro, e con Fanny Triana e Abraios de rúa no aparcadoiro da Fábrica de Armas en Pedralonga. Todas as funcións son ás 19:30.

Ademais, a compañía Teatro Noite Bohemia representará distintos espectáculos ao longo das festas no Castelo de San Antón e nos centros cívicos municipais. O día 6, presentará Yerma no adro da Colexiata, ás 22:00; o xoves 16, Bacantes, no Castelo de San Antón, ás 22:00; o venres 17, Miles Gloriosus no CCM Castrillón ás 20:30; e o venres 24, Miles Gloriosus no CCM Novo Mesoiro ás 18:00.

Finalmente, entre os días 15 e 19 de agosto celebrarase o XVIII Festival Manicómicos. Vol’e Temps, Vueltos de Rosca, Niño Costrini, Irene de Paz, Maite Guevara, Nezdames & Nessieurs, Immaginario Teatro, Jano, Okidok e Hiltoff e Pelito configuran un programa que se estenderá pola cidade. Como é habitual, esta cita celebrará unha gran gala final, que terá lugar no anfiteatro do parque de Santa Margarida o día 19, ás 19.00 horas.

 

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos