A Deputación e o Concello de Lugo impulsan un campamento teatral urbano dirixido a 120 nenos de entre 7 e 14 anos que terá lugar no casco histórico da capital lucense.

Esta iniciativa busca fomentar entre os rapaces as artes escénicas e promover o centro da cidade lucense. Os participantes realizarán xogos e obradoiros diarios de teatro, caracterización de personaxes, improvisación, vestiario, danza, música e ritmo.

As actividades do campamento teatral infantil completaranse cunha masterclass da actriz viguesa Marta Rivera Larralde, que falará das súas experiencias no mundo da interpretación. Esta cita estará aberta ao público xeral.

O programa divídese en catro grupos en función das datas. O primeiro do 30 de xullo ao 14 de agosto na Praza da Soidade de 9:00 a 13:00 horas, o segundo grupo de 16:00 a 20:00 horas na Praza Maior. A terceira quenda será do 16 ao 31 de agosto na Soidade de 9:00 a 13:00 horas e o cuarto grupo de 16:00 a 20:00 horas na Praza Maior. Un dos obxectivos da iniciativa é axudar na conciliación laboral.

Os interesados en participar poden inscribirse no grupo en función da súa preferencia. É necesario cubrir a solicitude colgada na web www.deputacionlugo.org e presentala no rexistro da Deputación. A selección farase por orde de inscrición.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos