Actualidade

Inversa Teatro estrea ‘Sofía e as postsocráticas’

PUBLICIDADE

ACTUALIZACIÓN: Por lesión dunha das actrices, Inversa Teatro adía a preestrea de Sofía e as Postsocráticas: o 30 de novembro será a preestrea no Culturgal, en Pontevedra, e o día 5 de decembro a estrea, no Auditorio Municipal de Vigo. 

 

A nova montaxe de Inversa Teatro, Sofía e as Postsocráticas chega este novembro aos teatros. O venres 9 ás 21:00 horas haberá unha pre-estrea no Auditorio da Illa de Arousa, para ao día seguinte –sábado 10 de novembro, ás 20:00–  levar a estrea oficial ao Auditorio Municipal de Vigo.

Sofía e as Postsocráticas é unha obra que versa sobre a violencia machista, afondando nas causas da estrutura do maltrato. A partir de tres personaxes en escena, Sócrates, Platón e Aristóteles (interpretados por mulleres), a compañía tratará de buscar un novo logos, é dicir, un novo patrón interpretativo da realidade no que poidamos facer o cálculo do que é ou o que non é violencia machista.

Xunto coas personaxes e mediante o emprego de máscaras, a dramaturxia conta tamén con elementos audiovisuais e sonoros que axudarán na reflexión de cal é a nosa responsabilidade como sociedade ante este tema. O pacto patriarcal, o silencio como resposta, o valor ontolóxico, o victim blaming (culpabilizar á vítima), a negación ou o síndrome espectador son os fíos argumentais polos que transitan as personaxes da obra.

 

Ficha

Dirección: Marta Pérez.
Texto: Marta Pérez (a partir de materiais de creación colectiva).
Dramaturxia e interpretación: Marta Pérez. María Roja. Silvia Penas.
Poemas: Silvia Penas.
Movemento: María Roja.
Escenografía: Montse Piñeiro.
Construción Escenografía: Gonzalo Alonso.
Videocreación: Laura Iturralde.
Iluminación: Ángel Sousa.
Espazo Sonoro: Jesús Andrés Tejada & Silvia Penas (CintaAdhesiva).
Vestiario: Silvia Sánchez (Lechanelas). Josefa Rivas.
Voz en Off: Manuel Outeiriño.
Fábulas Postsocráticas: Marta Pérez. Silvia Penas.
Campaña de Comunicación e fotografía: Ángel Sousa – Ampersand Fotografía
Produción: Marta Pérez.
Axudante Produción: Belén Piñeiro.
Gravación Obra: Fon Cortizo
Imaxe gráfica: María Rodríguez.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!