PUBLICIDADE

O próximo día 27 de marzo, coincidindo coa celebración do Día Mundial do Teatro, presentarase en Compostela a Academia Galega de Teatro, nun acto que terá lugar ás 12:00 no Salón de Actos do Consello da Cultura Galega, no Pazo de Raxoi.

A Academia Galega de Teatro constituíuse o pasado 21 de outubro en Rianxo, froito da inquietude dun grupo de 17 mulleres e homes cunha longa traxectoria profesional nas que viron necesario que existise un foro de “debate, reflexión e intercambio” e que se puxese en valor o patrimonio teatral galego. Segundo , a presidenta da nova entidade, o proxecto pretende servir de punto de encontro dos profesionais das táboas e dos diferentes colectivos implicados neste sector. A creación dunha Academia do Teatro enmárcase así nunha estratexia de normalización institucional. 

O grupo fundacional da Academia está formado por Eduardo Alonso, Rosa Álvarez, Antonio Simón, Damián Villalaín, , Ernesto Chao, Anxela G. Abalo, Manuel Areoso, Luma Gómez, Manuel Guede, , Francisco Oti, Gustavo Pernas, Miguel Pernas, Xosé Manuel Rabón, Manuel Vieites e a propia Imma António, aínda que dende o momento da creación uníronse outras persoas cuxos nomes se farán públicos neste acto de presentación.

Entre os obxectivos inmediatos da Academia está a organización dun Congreso do Teatro Galego que analice a situación actual do sector, presente un diágnóstico do seu estado e propoña vías de futuro para os próximos anos.

 

Ligazón: Entrevista con Imma António sobre a constitución da AGT

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete ao boletín á newsletter

Recibe no teu email as novas, artigos, entrevistas e contidos da Erregueté para que non perdas unha!