Teatro Cachirulo e Títeres Alakrán únense ás compañías portuguesas S. A. Marionetas  e Marionetas da Feira na primeira edición deste ciclo. Será o primeiro dunha serie de encontros transfronteirizos para achegar as tradicións do teatro dos dous territorios.

 

Ao longo de 5 días, 4 compañías de teatro de marionetas de Portugal e de Galicia presentarán espectáculos e dinamizarán obradoiros para escolas e familias no Cineteatro António Lamoso,  en Santa Maria da Feira.

O programa complétase cunha tertulia para compartir testemuños e cruzamentos de historias entre marionetistas e público, a exposición “Marionetas no Mundo”, con exemplares de marionetas de Portugal, Ucraína, Brasil e Inglaterra, e a proxección do documental Teatro Don Roberto – Algúns Testemuños, do director Edgar Medina.

O programa iníciase o mércores 14 de marzo, ás 21:30, coa apertura da exposición “Marionetas do Mundo” e a proxección do documental Teatro Don Roberto. Ás 22:00, realízase a primeira experiencia en escenario para o público en xeral: Objectosfera, a cargo das Marionetas da Feira (máximo 150 persoas, mediante inscrición previa).

O día 15 de marzo, ás 10:00, realízase a primeira sesión para escolas, tamén ela unha experiencia no escenario do Cineteatro António Lamoso, co espectáculo O Castelo Asombrado + O Zé do Tellado, Teatro Don Roberto a cargo tamén dass Marionetas da Feira, que inclúe unha visita guiada á exposición “Marionetas no Mundo”. Esta experiencia no escenario para as escolas repítese o 16 de marzo ás 10:00.

A programación nocturna iníciase ás 21:30 coa visita guiada á exposición, seguida do espectáculo O Castelo Asombrado + O Zé do Tellado, no foyer do Cineteatro António Lamoso, dirixida ao público en xeral (máximo 150 persoas, mediante inscrición previa ). Despois do espectáculo, ás 22:30, sete marionetistas de Portugal e Galicia xúntanse nunha conversa informal, compartindo co público testemuños e cruzamentos de historias acerca desta vertente do teatro nos dous territorios.

O día 17 de marzo, ás 10:00, as Marionetas da Feira dinamizan un obradoiro de construción de monicreques para pais e fillos (inscrición previa, máximo 20 participantes). Á tarde, ás 15:30, haberá unha visita guiada á exposición “Marionetas do Mundo”, logo do espectáculo / experiencia en escenario Barriga Verde ataca de novo (16:00), pola compañía Títeres Alakrán (máximo 150 persoas, mediante inscrición previa). Ás 21:30 realízase a nova visita guiada á exposición, seguida do espectáculo ETC da compañía S.A. Marionetas de Alcobaça, no auditorio do Cineteatro António Lamoso.

O EIXOS remata a 18 de marzo cunha visita guiada á exposición “Marionetas do Mundo”, ás 15:30, seguida do espectáculo “A Cabeza do Dragón”, ás 16:00, a cargo da compañía Teatro Cachirulo (máximo 150 persoas , logo do rexistro previo).

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos