Actualidade

John Strasberg pecha a súa estadía na Coruña cunha masterclass no Colón

PUBLICIDADE

O recoñecido actor, escritor e director norteamericano, John Strasberg, culminará este venres 29 de xuño a súa estadía no Teatro Colón da Coruña, co desenvolvemento dunha masterclass en que achegará as trabes do seu traballo como actor, director e mestre de actores. Tras pasar dúas semanas na Coruña, en que levou a cabo diversos obradoiros de interpretación e achegou o seu Proceso Creativo Orgánico a 31 actores e actrices, e 50 ouvintes, John Strasberg porá fin a súa viaxe por terras galegas cunha sesión especial en que exporá os seus coñecementos e experiencia profesional.

Moderada polo actor e alumno, Mateo Franco, a masterclass do vindeiro venres 29 de xuño transformará o Teatro Colón (20:30 horas) nunha aula magna para acoller o acto de peche dun programa de formación elaborado conxuntamente polas áreas de Cultura da Deputación e o Concello da Coruña. O acto será con entrada gratuíta previa reserva na web ou na billeteira do Teatro Colón.

O público terá así oportunidade de gozar dunha sesión única con Strasberg como protagonista. Baixo a organización de Mateo Franco e Zeitun Films, 80 persoas tiveron, antes do peche aberto ao público, a posibilidade de compartir escenario e interactuar co xenio norteamericano da interpretación.

Desde o pasado 18 de xuño, en que botaron a andar as leccións maxistrais de interpretación con John Strasberg, 31 artistas e 50 ouvintes, puideron gozar do luxo de ter a un dos grandes mestres da historia do teatro norteamericano e mundial. Ademais, a iniciativa artellada por Mateo Franco, quen se formou con dúas bolsas da Deputación na John Strasberg Studios de Nova York, tamén posibilitou a proxección do filme Accidentalmente a propósito, onde se narra a traxectoria de Strasberg e que precedeu a unha charla-coloquio en que o director respostou ás preguntas do público asistente.

 

Strasberg, unha vida dedicada á interpretación

O traballo de Strasberg continúa unha longa tradición da Escola Realista, que actualiza conceptos e técnicas interpretativas, humanizando o traballo de actores e actrices mediante o denominado Proceso Creativo Orgánico. Durante a súa traxectoria profesional, John Strasberg traballou con xente como Geraldine Page e conviviu con Marilyn Monroe, Paul Newman ou Tenesse Williams, entre outros. A sua carreira en Europa é moi salientable dirixindo unha grande cantidade de producións, algunhas delas en España, con actores como Eusebio Poncela o Julieta Serrano.

Coa masterclass do venres, Strasberg culmina a súa segunda visita á cidade da Coruña, despois de que en 2011 impartira un seminario que foi cando Mateo Franco o coñeceu antes de marchar no 2013 a estudar a Nova York cunha bolsa da Deputación da Coruña.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!