Actualidade

PUBLICIDADE

A 11ª edición do Festival Internacional de Teatro de Ourense (FITO), que se desenvolve entre os días 4 e 14 de outubro, volve acoller un ano máis o Encontro Mulleres Creando, coa participación de 29 mulleres do panorama cultural galego, a máis dalgunhas convidadas do ámbito estatal e Portugal. O Encontro está coordinado e dirixido pola directora e actriz Marta Pérez.

O encontro desenvolverase os días 12, 13 e 14 de outubro no Auditorio Municipal de Ourense e ten como finalidade construír un espazo de intercambio artístico, divulgación e estudo da creación escénica feminina nas súas múltiples facetas. Este ano, o Encontro céntrase no movemento A Caixa de Pandora, constituído no ano 2017 para facer fronte a situacións de abuso de poder que sofren as mulleres dentro do ámbito da cultura. A Caixa de Pandora é un grupo non mixto formado por máis de 3.000 mulleres e outras identidades de xénero non hexemónicas, vinculadas á arte e a cultura.

Durante estes días realizaranse 6 mesas temáticas, onde as diferentes convidadas poderán intercambiar as súas diferentes linguaxes creativas, poñer en valor os seus traballos e asegurar así a visibilidade das actividades artísticas nas mulleres. A pretensión é coñecer en profundidade a situación das mulleres no ámbito da cultura, promover á reflexión e debate ao redor delas e tomar as medidas necesarias de cara a igualdade. As mesas realizaranse durante toda a fin de semana en horario de 12 horas e 17 horas e estarán abertas de xeito gratuíto a todo o público.

Xunto coas diferentes mesas, presentaranse un pequeno documental, Princesas Reales, de Ana DMatos, a demostración escénica de Mónica Sueiro titulada 15’ e o espectáculo poético de Dúas Gamberras e un micro (Nuria Vil + Vanessa Glemsel). Todas as presentacións serán na Sala Vermella e na Sala Azul do Auditorio Municipal de Ourense.

 

Programa

VENRES 12

12:00 Mesa e Reflexión
MULLERES VISIBLES – SER E ESTAR NA CULTURA
Interveñen:
Karina Garantivá (Clásicas&Modernas-Madrid) Mercé Espelleta (Projecte Vaca-Barcelona), Pilar Almansa (Liga de las Mujeres Profesionales en el Teatro- Madrid), Marta Villar (CIMA- Galicia), Belén Pichel (Escena Galega) e Joana Sales (Centro de Cultura e Intervenção feminista CCIF/UMAR- Lisboa / non presencial)
A partir de diferentes asociacións que buscan incorporar a paridade nas programacións e exhibicións, poderemos ter unha perspectiva xeral e datos sobre a realidade da situación laboral das mulleres no eido cultural.

17:00 Mesa
A CAIXA DE PANDORA – MOITO MÁIS QUE PERSOAL
Interveñen:
Carmen Tomé (Madrid). Diana Larrea (Madrid). Carolina Nuñez (Galicia)
Nesta mesa falaremos do que é a Caixa de Pandora, cales son os seus obxectivos e as súas metodoloxías, así como coñecer que pasos e de que forma se poden abordar as diferentes denuncias sobre abuso de poder que as mulleres realizan dentro do ámbito laboral da Cultura.

19:00 Proxección
Ana DMatos (Galicia – Cataluña)
Princesas Reales
duración 14’13”
Protagonistas:
Diana, Bahija, Nieves y Concha
Ana DMatos entrevista a varias mulleres partindo do soño idealizado de que un día chegará un príncipe azul,…,  personaxe que representa o amor,  a realización persoal, o éxito a través do matrimonio.  Esta idea socialmente aceptada presupón o azar e unha docilidade ideolóxica que as protagonistas do vídeo aceptaron e soportaron, ata que un día deixaron de confiar nos seus destinos e, con gran coraxe, loitaron contra os roles impostos até transformar as súas vidas.

 

SÁBADO 13

12:00 Mesa e Reflexión
ARTISTAS NA PERIFERIA- EXPERIENCIA DA CAIXA DE PANDORA EN GALICIA
Interveñen:
Pilar Sánchez Monje, Uqui Permui, Olga Pastor e Luz Darriba
Nesta mesa contamos con diferentes voces creadoras e xestoras galegas que darán conta da situación da Caixa de Pandora en Galicia, partindo dunha experiencia común que son as ferramentas das novas tecnoloxías para o activismo feminista desde a realidade da periferia.

17:00 Mesa e Reflexión
A CREACIÓN FEMININA EN GALICIA
Interveñen:
Matrioska Teatro (Anabell Gago e Chelo do Rego), Laura Villaverde, Mercé de Rande e Helen Bertels
Nesta mesa diferentes creadoras galegas darán conta dos seus traballos e analizarán cales son as claves dos seus procesos, abrindo o debate sobre se a perspectiva de xénero debe ser plasmada nas creacións escénicas.

19:00 Acción escénica
Mónica Sueiro
Título: 15 ‘
A Actriz solicita á Autora unha peza para ser representada. Unha caixa, un manual de instruccións para construir unha escena, un texto que faga a súa existencia soportable. Só ten quince minutos e poden ser unha eternidade.

 

DOMINGO 14

12 horas- Mesa e Reflexión 
CONCIENCIAR A TRAVÉS DA ARTE
Interveñen:
Yolanda Villa, Encarna Lago e Paula Cabaleiro
Nesta mesa diferentes directoras e coordinadoras de Festivais, Congresos e Xornadas en torno ao xénero e a cultura en Galicia exporán cales son os eixos en torno aos cales realizan as súas programacións así como falar das experiencias concretas de cada unha ( Elas Son artistas, Congreso de Xéneros, Alén dos Xéneros, Miradas de Mulleres e ViolenciaZero) e se os resultados son os esperables en canto á concienciación.

13:30 Recital
Dúas Gamberras e un micro (Nuria Vil + Vanessa Glemsel)

17:00 Mesa e Reflexión
ONDE ESTÁN OS PROTOCOLOS?
Interveñen:
Tania Martínez Portugal (País Vasco),  Teresa Pérez Pardo (Sindicato CRTVG) e Inma López Silva (Esad Galicia)
Unha mesa onde poderemos saber de primeira man como actúan diferentes institucións, organismos e organizacións ante denuncias de acoso, así como saber cal é o seu proceso e como se activan os protocolos. Para elo contamos con Tania Martínez  do País Vasco que indaga sobre que sucede cando se realizan denuncias dentro de movementos sociais, colectivos e partidos de esquerda, con María Teresa Perez Pardo sindicalista na CRTVG Galicia e Inma López Silva da Escola Superior de Arte Dramático de Galicia.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos