Actualidade

Titiriberia comeza a programación para público escolar con Mircromina Títeres

OLYMPUS DIGITAL CAMERA

PUBLICIDADE

O festival Titiriberia. Olladas sobre os cristovos, organizado pola Asociación Cultural Morreu o Demo para o Concello de Teo e coa colaboración da Deputación da Coruña, comeza hoxe coa programación escolar da súa terceira edición, que se celebrará até o vindeiro domingo 11 de novembro.

A programación escolar comezará co grupo galego Mircromina Títeres, que ofrecerá a súa obra A familia unida cunha dupla sesión: ás 10.00 horas no CEIP A Igrexa-Calo e ás 12.30 horas, no Auditorio Constante Liste. A obra preséntanos a Cromina que, logo de ser pai, confronta a súa natureza festeira coa seriedade necesaria para optar a unha oferta laboral vitalicia. Unha reinterpretación das obras clásicas de luva na tradición de Punch, Pulcinella e o Bululú, con inimigos como a autoridade, a paternidade, o dragón ou a morte. As seguintes sesións escolares celebraranse o xoves no Auditorio Constante Liste coa obra Angelita, do grupo catalán Tactilicüa, e o venres 9 no IES de Teo con Viravolta Títeres, que presentarán Todos ao balcón.

Máis información sobre Titiriberia

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos