Xa está aberto o prazo de presentación de obras para optar ao premio de autores noveis que o Ministerio de Educación, Cultura y Deporte convoca cada ano a través do Instituto Nacional de las Artes Escénicas y de la Música (INAEM).
O obxectivo desta convocatoria, dotada con 10.000 euros, é recoñecer e promocionar o labor de novos autores de literatura dramática. Nesta edición de 2018, as solicitudes para o Premio de Teatro para Autores Noveles Calderón de la Barca poderan presentase ata o 6 de maio.
Os solicitantes deberán presentar obras teatrais de tema orixinal cuxa duración sexa a normal dun espectáculo dramático completo, non admitíndose pezas de teatro breve nin adaptacións. As obras poderán estar escritas en calquera das linguas oficiais do Estado.
Enténdese por autor novel aquel que aínda non estreasen de forma pública máis de unha obra en circuítos de exhibición con rendementos de billeteira –quedan excluídas deste cómputo as pezas de teatro breve.
Na avaliación dos traballos presentados polos solicitantes valorarase a calidade da escritura dramática do texto, a viabilidade da súa posible posta en escena e o carácter innovador da linguaxe e da estrutura dramática do texto.
