in

Artes Escénicas no programa da Ascensión de Compostela

Ascension2019

Compostela vive dende hoxe mércores as festas da Ascensión, que este ano se celebran do 29 de maio ao 2 de xuño. Durante estes cinco días de festas haberá diversas propostas de artes escénicas.

Dentro do programa Artellando na Tarde, este mércores presentará Entre dos na praza de San Martiño Pinario (20:30). En 2015, Lali Ayguadé foi convidada pola Fundación Joan Miró en Barcelona para dar vida á súa interpretación da exposición da Fundación “Miró i l’objecte”. Como resultado, Entre dos guía á audiencia nunha viaxe a través da transformación e a , sendo a danza un dos moitos recursos que utiliza para traducir os seus pensamentos. Interactuando co público e o espacio, Entre dos é un testemuño vivo do mesmo proceso creativo dun creador e convida a descubrir emocións cruas e o virtuosismo do corpo.

A praza Roxa, por outra banda, acollerá o xoves 30 a compañía brasileira Circo no Ato, que presentará o seu espectáculo A salto alto. Neste espectáculo abórdase o mal da época: xógase coa posibilidade de que a vida sexa máis xogo e menos destino, camiños, medios, riscos A Salto Alto é o terceiro espectáculo do Circo no Ato, resultado dun proceso de creación dun ano entre a Central do Circ en Barcelona, no Circo Crescer e Viver, e na Escola Nacional de Circo. Coa dirección de Roberto Magro, o espectáculo profana a clásica historia da Cincenta, mestura fantasía e sátira e cuestiona a busca desenfreada de bens materiais.

PUBLICIDADE

 

A Festa no Principal

Pensada para o público familiar, o programa Artellando inclúe A Festa do Teatro no Principal, que se celebrará o sábado 1 de xuño.

PUBLICIDADE

A xornada arrincará, ás 11:30, cunha sesión de microespectáculos na que participarán Inacio Vilariño con Rodari, Rodari; Yolanda Castaño cunha sesión de contacontos en verso; con A Tortoise, un can, two monsters e un picnic; e Servando Barreiro con Os [email protected] do bardo Abelardo. Ás 13:00 horas tomará o relevo a música e pedagoga Lydia Botana, que está a presentar o seu primeiro disco, Vuela.

Pola tarde, a festa continuará no Principal cunha nova sesión de microespectáculos, desta vez coa participación de Anxo Moure con Cóntame un cine; Xarope Tulú con A miña primeira viaxe; Saleta Fernández con Pan con chocolate; e Fani Triana co espectáculo de maxia Ilusionista.

Pechará a xornada, ás 18:30, Charo Pita co seu espectáculo No país do vento.

Todas as actividades da Festa no Principal son de balde, pero no caso das sesións de microespectáculos é preciso retirar as entradas, que están dispoñibles na billeteira do Teatro.

O programa completo das festas pode consultarse aquí.

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    FefaNoia

    Fefa Noia deixará a dirección do CDG en outubro

    Pablo Fidalgo 1 ©A. Area 1

    Pablo Fidalgo Lareo, no Programa de Desenvolvemento de Dramaturxias do INAEM