in

Bernardino Graña publica ‘Lobísimo do saco. Tres titiritadas’

LobisimoDoSaco

A vén de publicar un volume que reúne tres obras teatrais para nenos de Bernardino Graña. Lobísimo do saco. Tres titiritadas, que foi presentado o pasado venres en Vigo coincidindo co 87º aniversario do escritor, contén dúas pezas recuperadas de revistas, Sinfarainín contra don Perfeuto e Os burros que comen ouro (nunca cabalos serán), e unha terceira inédita, Lobísmo do saco.

Malia ser publicados como , trátase de textos que conteñen varias lecturas: Sinfarainín contra don Perfeuto, por exemplo, é unha peza de principios da década de 1970 –contemporánea de As laranxas máis laranxas de todas as laranxas– de Carlos Casares, na que se ataca a figura de Franco. Os burros que comen ouro (nunca cabalos serán) critica o poder do diñeiro e a falsidade da xustiza. Lobísimo do saco, finalmente, tenta ser unh metáfora que opón ditadura e democracia.

As tres son pezas pensadas para ser representadas por monicreques e moi ligadas ao teatro popular. Os animais son os protagonistas destas historias que conteñen moito humor, pero tamén invitan a reflexionar sobre o abuso do poder, a tiranía e, en definitiva, o terrible que é para unha sociedade perder a liberdade.

PUBLICIDADE

O volume contén un limiar do propio Graña, no que aclara cuestións que concirnen ás circunstancias nas que foron escritas cada unha das pezas e un epílogo de Ramón Nicolás.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    CamiñoEscenaNorte2

    Xornada sobre ‘Artes escénicas e interculturalidade’ en Carballo

    ViajeALaLuna

    O XXIV Festival Galicreques estreará un total de sete espectáculos