Hoxe, 22 de decembro, no Pub Modus Vivendi de Compostela, Lorena Conde presentará o libro Santa Inés, publicado pola Editora Urutau. A presentación desta obra contará coa participación de Gena Baamonde, Goretti Sanmartín, Inés Salvado Gontad e da propia autora.
O espectáculo Santa Inés vén de estrearse pola compañía A Feroz o pasado 20 de decembro na Igrexa da Universidade. Na obra danse cita a ficción, a realidade e a indagación escénica arredor do corpo e a palabra como vías transcendentes. Un monólogo cru, rabioso, tenro, irónico e moi poético que se defende con uñas e dentes nun espazo case onírico. É esta unha peza íntima, na que o público se reúne arredor da intérprete e asiste a un xogo de biografismo e auto-ficción no que se disecciona aquilo que non se ve a simple vista e do que, como sociedade, habitualmente non ousamos falar con esta honestidade.
A única publicación periódica que ten como obxecto as artes escénicas galegas dende 1983.
- O Centro Ágora da Coruña acolle a I Mostra do Programa de Acompañamento á Creación Escénica (PACE) - 31/07/2026
- NOGA organiza a primeira edición das súas xornadas formativas de narración oral - 30/07/2026
- O Centro Coreográfico Galego coproducirá os novos espectáculos de Paula Quintas, VACAburra e SÖA - 28/07/2026
