Libros

Presentación de ‘Teatro de Pintor’, de Xosé Vázquez Pintor

Vazquez Pintor

PUBLICIDADE

Xosé Vázquez Pintor presenta hoxe, ás 20:30, no salón de plenos de Cangas, o seu libro Teatro de Pintor. O autor estará acompañado polo alcalde do concello de Cangas, Xosé Manuel Pazos, o dramaturgo Manuel Lourenzo, o mestre Antón Lamapereira e o artista Camilo Camaño Xestido.

A obra literaria de Vázquez Pintor é eminentemente poética, mais iso non empece a visita do autor a outros xéneros, entre eles o teatral, hoxe reunido nesta antoloxía de Edicións Fervenza, titulada Teatro de Pintor, para indicar, talvez, unha certa condición pictórica das dez pezas, ou cando menos a súa plasticidade, que as torna máis abertas, máis respirábeis.

Da lectura das pezas contidas neste volume dedúcese, en primeiro lugar, que son a obra e o traballo dun poeta, pola escolla de argumentos, linguaxes e espazos, mais tamén polas paradas metáforicas en temas e accións que denotan a vocación precisa dun director de escena.

Xosé Vázquez Pintor nace en Melide en 1946, aínda que a Terra do Medio e O Morrazo foron os seus lugares de acollida. Licenciado en Filosofía e Ciencias da Educación, ten no seu haber un amplo abano de obras que abranguen poesía, narrativa, ensaio, teatro e mesmo xornalismo. Entre os premios que recibiu atópanse o Premio Eduardo Pondal (1981), Premio Edicións do Cerne (1984), Premio Cidade de Ourense (1989), Premio Esquío (1990) e o I Premio Uxío Novoneyra.

A súa obra dramática inclúe obras como A Parroquia, A fraga encantada, Velaí o mundo, Marcapasos, Sala de espera ou Nos espazos do soño.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!