in

No confín de… Carlos Alonso

Carlos Alonso
Escenógrafo, figurinista e activista teatral. A dilatada carreira de Carlos Alonso levouno a traballar cunha gran cantidade de compañías e creadoras galegas: Talía Teatro, Xúlio Lago, Teatro do Morcego, Cándido Pazó, Chévere… A Mostra Internacional de Teatro de Ribadavia recoñeceu a súa traxectoria co Premio de Honra ‘Roberto Vidal Bolaño’ na edición de 2018.

 

O libro que tes sobre a mesa de noite.

Non teño mesa de noite pero si moitos libros polo chan. Aproveito este retiro forzoso para ler títulos que esperaban hai tempo (anos) o seu momento: Los detectives salvajes de Roberto Bolaño, Suburbio de John Cheever, Octubre en el menú de Manuel de Lope, El mundo del objeto a la luz del surrealismo de Juan Eduardo Cirlot… Hai tantos… Tamén repaso todo o material que se vai acumulando sobre teatro, cinema, arte ou moda.

Publicidade

A túa banda sonora destes días.

Estes días é mais ben de “ambiente sonoro”: ruído ambiental, asonancias varias, gargalladas de rapaces xogando, cachivaches diversos, chiar dos paxaros e os ecos afastados que escoito desde a miña parroquia.

O último filme que te impresionou.

Non vexo filmes para que me “impresionen”. Estes dias estou revisando e desfrutando con Éric Rohmer e Ingmar Bergman. Tamén con Jacques Rivette e un título del que descoñecía: La bande des quatre (co teatro de fondo). Por aí vai a cousa…

A obra de arte na que te perderías agora.

Calquera cidade, aldea ou bosque. Mais que perderme, gústame deambular sen rumbo polos sitios e lugares.

A peza que che gustaría dar forma.

A un traballo colectivo con xente que coñeza ben o seu oficio e saiban gozar do proceso creativo. O demais xa se verá.

Unha figura histórica coa que compartir unha caña.

Publicidade

Que medo! Para tomar unha caña non necesito acudir á historia. Teño suficiente con amigos ou descoñecidos, pero aquí e agora.

Se non foses escenógrafo, serías…

O que son: un curioso de todo, un activista teatral. Sempre.

Publicidade
Publicidade
Avatar

Ernesto Is

(Xixón, 1988) É dramaturgo, narrador oral e docente. Premio Abrente (ex aequo) con 'Fendas' e Premio Rafael Dieste con 'Despois das ondas'. Foi seleccionado polo INAEM no Programa Dramaturgias Actuales ('El hombre que soñaba con elefantes en las estrellas'), no grupo de escrita teatral DramaturXA do CDG ('Onde veñen morrer as baleas') e na bolsa Nuevas Dramaturgias de Euskadi ('Canciones amarillas para flores tristes'). Cofundador da compañía Feira do Leste, coa que estreou 'Exilio das moscas' e 'Tras Tannhäuser' (axudas á Creación Joven do INJUVE). Membro do consello de redacción da erregueté-Revista Galega de Teatro, colabora tamén coa Revista Grial e A Movida de Vigo.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

Teatri Kombëtar Albania

O Teatro Nacional de Albania, demolido para crear un centro comercial

Marta Pazos

Marta Pazos e Carlus Padrissa analizan os retos das artes escénicas ante a Covid-19