Actualidade

O Festival Fazer a Festa celebra a súa 39ª edición

PUBLICIDADE

Do 10 ao 19 de xullo terá lugar a 39ª edición do Fazer a Festa, Festival de Teatro para Infancia e Xuventude que organiza a compañía Teatro Art’Imagem. Cinco compañías de Portugal e Galicia presentarán os seus espectáculos no xardín da Quinta da Caverneira dentro dun programa que suma un encontro sobre teatro para infancia e xuventude, unha exposición e a homenaxe á compañía Pé de Vento.

 

O encontro “O teatro para a infancia e a xuventude en tempos de Covid-19” abrirá a primeira xornada do Fazer a Festa o 10 de xullo a partir das 18:00. A continuación, o acto O(s) Nosso(s) Amigo(s) Dedicado(s) renderá homenaxe ao creador João Luiz e á compañía Pé de Vento para seguir coa visita á exposición Um Percurso Teatral Singular sobre esta compañía portuense.

O sábado 11 de xullo o programa continuará con Contos do Lápis Verde, da propia compañía portuense Pé de vento mentres que o domingo 12 de xullo será o tempo para O Rei Vai Nu, do grupo Chão de Oliva.

A segunda semana de Festival comezará o sábado 18 de xullo cunha dobre sesión: ás 11:00, Teatro Art’Imagem ofrece a lectura expresiva para crianzas Historias de Pássaros (Teatro a Ler) mentres que, ás 18:00, a compañía de Leiría Te-Ato desembarcará nos xardíns da Quinta da Caverneira co espectáculo O Fio da Linha do Horizonte.

Por último, o domingo 19 de xullo ás 18:00 horas Lobo Bobo, da compañía galega Elefante Elegante será encargada de abrir o último día do Fazer a Festa para continuar coa presentación dos Novos Cadernos Fazer a Festa nº3 e a clasura desta edición adiada e adaptada pola crise sanitaria.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!