O Teatro do Noroeste-CDV acolle un seminario sobre tendencias do teatro contemporáneo

O Teatro do Noroeste – Centro Dramático de Viana recibe á investigadora Alexandra Moreira da Silva no seminario Tendencias do Teatro Contemporáneo o sábado 31 de outubro no Teatro Municipal Sá de Miranda de Viana do Castelo. |Foto: Teatro do Noroeste – CDV |

A actividade comezará ás 15.00 horas (portuguesas) no Café Concerto do Teatro vianense nunha tarde dedicada ao teatro co obxecto de estimular a curiosidade e o coñecemento teatral para públicos diversos.
Doutorada en Teatro polo Universidade Sorbone Nouvelle – Paris III, Alexandra Moreira da Silva é investigadora e profesora do Instituto de Estudos de Teatro da universidade parisina, dedicándose tamén á tradución de textos de teatro, sendo dramaturxista regularmente convidada e asesora artística do Teatro do Noroeste-CDV.
O seminario Tendencias do Teatro Contemporáneo está aberto a todos os públicos, con aforo limitado, suxeito a inscrición previa debido ás recomendacións e restricións por parte das autoridades sanitarias.
Máis informacións nos teléfonos: 258 823 259 / 967 552 988 ou no correo electrónico geral@centrodramaticodeviana.com

Deixar unha resposta