Presentación do evento. Foto Concello de Tui
Presentación do evento. Foto Concello de Tui

PUBLICIDADE

Este venres, sexta-feira, 27 de agosto de 2021, o Centro Dramático Galego (CDG), en coprodución coa Companhia de Teatro de Braga (CTB), van representar en Caldelas, Tui, á beira do Miño, A contenda dos labradores de Caldelas ou Entremés famoso da pesca no río Miño, de Gabriel Feixóo de Araúxo.

Cando se celebran os 350 anos da que se considera a primeira peza teatral galega, nun acto cargado de simbolismo, o CDG e a CTB lévana ao lugar de orixe da ficción.

A contenda dos labradores de Caldelas adscrita ao xénero do entremés, segundo o acoutamento inicial, é, non obstante, no propio texto orixinal, algo máis ca un entremés, porque se afasta en varios aspectos das convencións propias dese xénero, considerado menor, como son a complexidade e variedade métrica, o asunto de carácter histórico, nun contexto xeográfico que xustifica e lle dá autenticidade á acción dramática. Alén diso, a caracterización dos personaxes non fica na caricatura senón que está dotada de matices e, ademais, hai unha gradación do efecto cómico e contrastes dramáticos.

O espectáculo do CDG e da CTB, dirixido por Fran Núñez, actualiza o asunto nun xogo meta-teatral de estética contemporánea.

Esta sexta-feira, venres 27 de agosto, ás 22h. vai facerse a representación ao aire libre, na Ribeira de Caldelas, Tui.

As entradas pódense reservar de balde a través da web Tui.gal

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos