in

A Real Filharmonía de Galicia estrea a ópera ‘A sombra de Cristal’, de Fernando Buide, con texto e dirección escénica de Quico Cadaval

A sombra de Cristal
Imaxe da presentación da ópera

A ópera cómica A sombra de Cristal, de Fernando Buide, con texto e dirección escénica de Quico Cadaval, estréase hoxe, cunha función para as persoas abonadas, coa posibilidade de ser seguida tamén en streaming a través da canle de Youtube da , e con outra, mañá, para o público xeral, as dúas ás 20:30 horas, no Auditorio de Galicia, en Santiago de Compostela.

Este encargo conxunto da Real Filharmonía de Galicia e a Asociación de Amigos da Ópera de Santiago está dirixido polo director titular e artístico da RFG, o mestre Paul Daniel, e conta coas voces da soprano María Hinojosa, do barítono César San Martín e do actor Víctor Mosqueira, que fai de personaxe muda. O concerto, que inclúe ademais La serva padrona de Pergolesi, foi realizado en coprodución entre a RFG, Amigos da Ópera de Santiago e o Centro Dramático Galego; co apoio do Xacobeo 2021-2022.

Desde a Asociación de Amigos da Ópera xurdiu a idea de realizar unha “versión” contemporánea e ambientada en Galicia da icónica ópera cómica La serva padrona de Pergolesi. A proposta foi acollida con entusiasmo pola Real Filharmonía de Galicia e o seu director titular, Paul Daniel, e así comezou  a historia do proxecto.

PUBLICIDADE

Conversa con Fernando Buide e Quico Cadaval

Antes das funcións, o público poderá manter unha charla co compositor Fernando Buide e co responsable do texto e director de escena d’ A sombra de Cristal, . A cita será ás 19:45 horas na Sala Mozart do Auditorio de Galicia. Esta iniciativa enmárcase dentro da experiencia “[email protected] con”, que a Real Filharmonía de Galicia promove antes de cada concerto, coa finalidade de achegar a música ao público de maneira informal e distendida. Poderase participar neste encontro presentando a entrada do concerto.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    CUBO Elefante Elegante 10 Vanessa Rabade

    Cubo

    'VÉRTIGO' de Pista Catro. Foto Rosinha do Roxo, MIT Ribadavia.

    Preséntase en Compostela unha guía de boas prácticas en xénero á hora de programar un festival