Falece Lino Braxe
Imaxe de Eduardo Castro Bal

PUBLICIDADE

A Asociación de Actores e Actrices de Galicia (AAAG) outorga o a título póstumo a Lino Braxe, unha figura poliédrica da  escena e da cultura galegas, que deixou ao longo da súa ampla carreira unha fonda pegada en varias xeracións da profesión teatral. O seu traballo incluíu diferentes vertentes do oficio escénico, xa que  cultivou a interpretación, a dirección, a escrita, a adaptación, o teatro radiofónico ou o teatro de base. Ademais, o xenio creativo do actor falecido a finais de 2020 estendeuse á poesía, sendo un dos integrantes do coñecido colectivo De amor e Desamor, á narrativa, á pintura, á dobraxe, ao audiovisual, a música e ás ondas ao traballar como locutor en RNE durante máis dunha década. Nesta emisora, exerceu de adaptador da obra dramática de autores galegos como Blanco Amor ou Cunqueiro.

Con este galardón, a AAAG quere recoñecer a traxectoria e celebrar a vida dun autor multidiscipinar, un artista todoterreo cuxo compromiso coa cultura sempre foi un estandarte dende as diferentes frontes nas que militou. foi membro do grupo de persoas que a mediados dos noventa impulsou os Premios de Teatro . Foi el quen se encargou de contactar en varias ocasións para que a actriz afincada en Francia cedese finalmente o seu nome aos galardóns do noso teatro, que neste 2022, ano en que se conmemora o centenario da intérprete, alcanza a súa 26ª edición.

A AAAG concede por segunda vez o Premio de Honra Marisa Soto a título póstumo, algo que só aconteceu previamente en 2014 cando o homenaxeado foi Xosé Manuel Olveira, Pico. Con esta decisión excepcional, sublíñase o afecto da profesión e cólmanse peticións que xurdiron dende o corpo asociativo da AAAG. O premio será entregado o vindeiro 2 de xuño no Teatro Rosalía Castro da Coruña durante a gala dos que, organizados pola AAAG, conta co apoio de entidades e institucións como a Xunta de Galicia, o Concello da Coruña, a Deputación da Coruña ou a Fundación AISGE.

Compartir

PUBLICIDADE

PUBLICIDADE

Deixar un comentario

Subscríbete ao boletín á newsletter

Recibe no teu email as novas, artigos, entrevistas e contidos da Erregueté para que non perdas unha!