in

Póvoa de Varzim acolle a 13ª edición do festival É-Aqui-in-Ócio

Desenvolverase entre o 23 de setembro e o 1 de outubro

Libre como os paxaros
'Libre como os paxaros', de Teatro do Atlántico

O volve a Póvoa de Varzim cunha nova edición que se desenvolverá entre os días 23 de setembro e 1 de outubro. Esta décimo terceira edición constrúese sobre o tema Uma mesma Origem Um só Ventre A nossa Humanidade, Mulher, con actividades que propoñen unha reflexión sobre a muller e a súa condición na sociedade.

Abrirá esta edición a compañía Certa da Varazim Teatro, anfitrioa deste festival internacional, que conmemora os 25 anos da Associação Varazim Teatro e celebra a súa relación coa sociedade desta localidade portuguesa presentando por primeira vez Veias de sal numa terra com lágrimas de mar. Este espectáculo representarase no Cine-Teatro Garrett até o día 25. O día 28 estará a compañía galega con Libre coma os paxaros, unha homenaxe a Rosalía de Castro.

O programa inclúe dúas compañías portuguesas das máis internacionais: Chapitô, que estrea Antígona 3 por 3,5 e Teatro do Mar con Eu Fêmea, un peep show que será montado no centro da cidade. Tamén de Portugal son os recoñecidos Teatro Livre, con Mater, e a Escola de Mulheres, que fará unha lectura dramatizada, Da voz humana.

PUBLICIDADE

De Uruguai vén Lucía Trentini para exhibir Criaturas domésticas. A brasileira Mari Paula Dance and Performance presenta en solitario o seu espectáculo Retórica. A performance butoh, Mujer destejida, da compañía colombiana/vasca Con Ciencia y Arte, o concerto do guineano Mû Mbana, a exhibición do documental sobre o Espaço d´Mente, sé da Varazim Teatro, son outros dos acontecementos de descorrerán nestes días nos espazos da cidade. Dentro das actividades paralelas haberá unha mesa de reflexión, A mulher: Corpo, imagem, identidade, moderado pola xornalista Sofia Branco.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    Recortes caneos e outras formas de driblar

    O CDG e Ainé Producións estrean ‘Recortes, caneos e outras formas de driblar’

    FIOT Fonico

    O FIOT de Carballo lanza ‘Onda FIOT’