in ,

Comeza a 3ª edición da curadoría colectiva do TRC Danza no Teatro Rosalía de Castro da Coruña

Tamén está aberta a inscrición para o Taller de Público(s)

Figuras do limiar Imaxe de Leo Lopez e1665131272200
'Figuras do limiar', de Javier Martín. Imaxe de Leo López.

Por terceiro ano consecutivo, o Teatro Rosalía Castro da Coruña abre paso á curadoría colectiva, unha actividade gratuíta que se organiza dentro do proxecto de Programación Expandida do , e que ten por obxectivo promover a participación da cidadanía no exercicio de escoller a programación de danza que visitará o Rosalía na próxima anualidade 2023.

O obxectivo é dar espazo aos públicos no proceso de toma de decisións do teatro.

 Ao longo de tres sesións, que terán lugar os sábados 8, 15 e 22 de outubro (de 10 a 13h na Sala Xan Eirís do Teatro Rosalía Castro), o equipo da Programación Expandida xunto coas persoas que se queiran inscribir na actividade, analizarán algunhas pezas, tanto galegas como do territorio nacional, que sobrevoan a posible programación que prepara o director do teatro, Xosé Paulo Rodríguez. Tal como se indica no programa da actividade, “a vontade deste proceso é a de analizar, sopesar e fundamentar de xeito colectivo a selección dalgún dos traballos que formarán parte do programa 2023, nun exercicio de curadoría colectiva entre o público de danza do noso teatro e a comunidade artística local; miradas diversas, que se relacionan coa danza dende sitios distintos.

As inscricións á actividade de curadoría colectiva están abertas na páxina web do programa e poden facerse enviando os datos a través dun formulario. 

Esta iniciativa ocorre en diálogo co Taller de Público(s) que, dende 2018 e baixo a coordinación de Sabela Mendoza e , se mantén activo no TRC Danza. Un espazo que funciona como grupo de espectadorxs, aberto a toda persoa que queira sumarse independentemente dos coñecementos ou experiencias previas que teña en relación á danza. O grupo reúnese periodicamente no teatro para acompañar e comentar cada unha das propostas artísticas que visitan o Rosalía. Actualmente o Taller de Público(s) ten tamén abertas as súas inscricións para acompañar a temporada de outono durante seis sesións programadas entre setembro e novembro de 2022. “Seis datas para coñecer, reflexionar, achegármonos aos espectáculos de danza que teremos a oportunidade de desfrutar sobre o escenario do Teatro Rosalía Castro entre os meses de setembro e novembro”. A información e horarios de inscrición poden atoparse na páxina web do programa.

PUBLICIDADE

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    Homenaxe a Pedro Brandariz no FIOT12

    GALERÍA | Homenaxe a Pedro Brandariz no FIOT 2022

    IMG 2359

    Marketing, comunicación, mediación e política