Actualidade

Día Mundial do Teatro para a Infancia e a Mocidade

PUBLICIDADE

O 20 de marzo celébrase o Día Mundial do Teatro para a Infancia e a Mocidade e ASSITEJ (Asociación Internacional de Teatro para a Infancia e a Mocidade) quere celebralo coa mensaxe ‘Leva a unha crianza ao teatro hoxe’, lembrando o valor do teatro no desenvolvemento da infancia e a mocidade. Máis de 80 países sumaranse a esta celebración. O Día Mundial é unha campaña global. ASSITEJ ten máis de 80 centros nacionais así como redes profesionais con afiliados en 100 países.
O dramaturgo e ilustrador Mo Willems foi o escollido para redactar a mensaxe internacional que celebra este día e que reproducimos a seguir:

 

MENSAXE DE MO WILLEMS POLO DIA MUNDIAL DO TEATRO PARA A INFANCIA E A MOCIDADE 2018

Día Mundial do Teatro para nenos e mozos? En serio?

Por que ti, de entre toda a xente, levarías unha crianza para ver “teatro infantil”?

Non tes nada mellor que facer que mirar un grupo de adultos, polo xeral tan serios e aborrecidos, facendo o parvo, facendo moito ruído, poñéndose tristes e facendo o ridículo só para impresionar á crianza que amas? A pregunta é: a quen lle interesa ser arrebatado por un mundo de imaxinación e de contos? Quen quere vivenciar personaxes e emocións que son sobrenaturais e coas que, ao mesmo tempo, podes sentirte completamente identificado? Necesitas realmente a maxia, a maxia transformadora dunha actuación en vivo, na túa vida? Ver esa maxia a través dos ollos da crianza achégate algo? Sexamos realistas: queres crear lembranzas que no futuro sexan o trampolín para o xogo desa persoa moza que amas?

Agarda.

Iso parece abraiante.

Cando esteas aconchegado no teu asento e se levante o pano, saberás que estás vendo algo máis ca un espectáculo; estarás experimentando unha nova e especial forma de conectar con esa crianza que é especial para ti.

Ah, e probablemente, esa crianza tamén vai pasalo ben.

 

Mo Willems
Escritor, ilustrador, dramaturgo, ex-crianza

 

PS: o dia mundial do teatro para crianzas e persoas mozas é o dia 20 de marzo de 2018. Mais a maxia transformadora do teatro foi prorrogada indefinidamente.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!