Nova Galega de Danza e o seu espectáculo Son encabeza a lista de candidatos galegos con cinco candidaturas. | Foto: Moncho Fuentes |

 

Nova Galega de Danza e o seu espectáculo Son optan a cinco Premios Max das Artes Escénicas: mellor espectáculo de danza, mellor coreografía (Jaime Pablo Díaz, Carlos Rodríguez, Carmelo Segura), mellor composición musical para espectáculo escénico (Sergio Moure de Oteyza) mellor vestiario (Sara Sanchez) e mellor iluminación (Luis Perdiguero). Resaca, de IlMaquinario, resultou escollido como candidata a dous galardóns: mellor espectáculo revelación e mellor autoría revelación (Tito Asorey e Ana Carreira). Ademais, Cándido Pazó é candidato ao premio ao mellor autor por Nacidas libres.

O comité organizador dos Premios Max das Artes Escénicas deu a coñecer a través dun comunicado os candidatos ás 19 categorías a concurso da 21ª edición dos Premios Max, organizados pola Fundación SGAE, cuxo obxectivo é estimular e premiar o talento dos profesionais do Teatro e Danza do estado español, ademais da promoción dos espectáculos da temporada.

Un total de 88 espectáculos dos 395 inscritos foron seleccionados para participar como candidatos na 21 ª edición dos Premios Max das Artes Escénicas, tal e como o decidiron, nesta primeira fase, os tres xurados territoriais designados polo comité organizador.

Tras a primeira fase de selección, un tribunal formado polos tres presidentes dos xurados territoriales, catro personalidades das Artes Escénicas e un membro do comité organizador, será o encargado de decidir os finalistas das 19 categorías que compiten na 21ª edición dos Premios Max das Artes Escénicas.

Podedes consultar a lista completa de candidatos aquí.

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos