in

Hoxe, segunda xornada de Galicia Escena Pro

ReiMorreGEP
Tanxarina, Borja Fernández, PT Excéntricas, Sarabela Teatro e Compañía Ensalle protagonizan a segunda xornada de Galicia Escena Pro, o mercado galego das artes escénicas, que se desenvolve en Compostela até o 14 de xuño.

 

O teatro para público infantil e familiar abre este segundo día da GEP con A galiña azul, de : unha montaxe de monicreques que fala da diversidade e da solidariedade e que pode verse na sala 2 da Fundación SGAE ás 11.00 horas. A sala Germán Coppini deste mesmo espazo acollerá Salvador, de Borja Fernández ás 12.15 horas. Salvador segue a historia como emigrante no Brasil do seu avó paterno para construír un traballo escénico a medio camiño entre o documental e a ficción teatral, cos movementos migratorios, as desaparicións e os encontros como principais eixos temáticos.

O programa da tarde comezará ás 17.30 horas no Auditorio Abanca con Cranios privilexiados… ou crítica da razón perralleira, de Producións Teatrais Excéntricas. Carlos Santiago é o director da nova comedia desta compañía compostelá, que poñen en escena Josito Porto e Víctor Mosqueira. A continuación, Sarabela Teatro preséntase en con O rei morre, versión libre da obra de Eugène Ionesco. Ana Vallés asina a adaptación e a dirección deste espectáculo, que interpretan Nate Borrajo, Fernando Dacosta, Fina Calleja, Sabela Gago e Alfonso Míguez. A cita será no Teatro Principal, ás 19,30 h.

PUBLICIDADE

A segunda xornada deste encontro concluirá coa posta en escena de Procedimientos ante el vacío, da Compañía Ensalle, no Salón Teatro. Trátase dun traballo interdisciplinar, que se sitúa entre o teatro contemporáneo e a danza, e que ten o seu xermolo na colaboración artística emprendida entre a compañía viguesa e a bailarina e coreógrafa Mónica Valenciano.

Como en anos anteriores, as localidades dispoñibles tras o acceso das persoas acreditadas póñense a disposición do público xeral de xeito gratuíto, previa retirada das entradas no despacho de billetes correspondente desde una hora antes do comezo da representación.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    CasimiroCarolina

    Comeza o 41º Festival Internacional de Teatro de Expressão Ibérica de Porto

    Plastic

    Notas dende Galicia Escena Pro 2018: día 1