Actualidade

PUBLICIDADE

As rúas e praza do centro histórico acollerán once espectáculos de animación, música, teatrais e de fogo os días 7, 8 e 9 de agosto.

 

Nove compañías, once espectáculos de rúa. Animación con maiúsculas. A volta temos unha nova edición de Itineranta, e xa van nove, o que fai do Festival de espectáculos de rúa itinerantes de Pontevedra un clásico no calendario festivo do verán da cidade e que avanza a chegada das festas da Peregrina.

Itineranta é o único festival do estado dedicado exclusivamente a espectáculos de rúa itinerantes. Este ano regresa ás rúas de Pontevedra na súa IX edición os días 07, 08 e 09 de agosto, con diferentes propostas de espectáculos de rúa.

 

Itineranta comeza o martes 7 ás 20:00 cos clowns de Asaco Producciones (Mérida) e Tanque Gurugú, un espectáculo cómico que desenvolve no seu percorrido a relación entre un iogui clown, que se dedica a quitar fronteiras, e un tenente pallaso que xunto a un cabo piloto, van nun tanque repoñendo as fronteiras. Veñen dende o Monte Gurugú facendo que os asistentes sexan refuxiados e desplazados.

Ás 21:00, Yera Teatro encherá Pontevedra de zancudos, patinadores, malabaristas e un gran zeppelin con Nómadas: un grupo de personaxes excentricos e divertidos viaxan nun antigo zepelin, tentando mostrar diferentes habilidades e disciplinas que aprenderon nas suas múltiples viaxes.

As 22:00, os franceses Remue Menáge presentarán un dos pratos fortes do programa, Abysses [na foto]. Dende unha profundidade inmensa, o Abismo é un mundo fascinante, que se perde máis alá da nosa mirada. Dende o auxe da súa bóveda esquiva, este espectáculo-concerto mergúllanos nunha pintura aérea onde o ceo e o mar se unen. A través de impresionantes pinturas que combinan circenses, música, danza, video e pirotecnia, o espectador sorpréndese deste asombro espectáculo, no que unha constelación de criaturas mariñas vén a alimentar este mosaico que flúe cara á escena como unha onda que abre o camiño cara ao público.

 

O mércores 8, ás 20:00, Scura Splats (Castellón) traerán La selva. A selvainvade a cidade con personaxes dunha tribu calqueira das moitas que a habitan. Os grandes animais foron domesticados polos humáns, pero rixense polos seus instintos e a veces asustanse e atacan todo aquelo que pon en perigo as sus vidas.Durante o percorrido, a tribu executará coreografías e rituais nos que o público participará dun xeito activo.

Ás 20:30, os vigueses de Troula presenta a súa nova creación Psycodelia, na que unha serie de personaxes extravagantes, curiosas e raras enchen as rúas coas suas cores e formas estrañas, animando a todos a participar das súas estrambóticas danzas.

Ás 21:15, Discípulos de Morales, de Castellón, traen a Pakonstein, unha marioneta de 4,5 m de altura manexada polos seus catro pais. Pakonstein non é só un monstruo de aspecto pouco agraciado: é unha víctima, un subproducto dun mundo onde son máis importantes os logros a nivel persoal e a fama que o propio benestar das persoas de ben, poderíamos dicir pois que Pakonstein non e máis cun síntoma dunha sociedade enferma.

Ás 21:45 Yera Teatro repite, esta vez con Lumen, un pasarrúas nocturno, no que diversas marionetas xigantes pasean e se moven coreograficamente ao son da música. Un espectáculo asombroso, no que elementos de grandes dimensions desprenden luz grazas a dispositivos led.

 

O xoves 9 ás 20:00, Inventi Teatro percorrerá as rúas da cidade con A Tropa do Doutor Milagre: sofre alopecia? Séntese débil e decaído? Sen apetito… de ningún tipo? Probe os produtos do Doutor Milagre e desaparecerán todos os seus problemas! Agobiado polas débedas e coa necesidade imperiosa de facer fortuna, este atolado médico/inventor farase cun vello autobús para convertelo nun auténtico show da venda ambulante.

Ás 20:30, Forani Teatre de Tarragona e a súa Banda foránea trasladarán a enerxía da música balcánica, o romanticismo das fanfallas francesas, a fortaleza das parellas do noso país, o exotismo da música árabe, o carácter festivo da tarantella italiana e a sorpresa da música circense.

Ás 21:15, os madrileños Bambolea presentan Móvil: un globo aerostático doutra época chega as rúas xunto a unha tripulación que festexa o aterrizaxe con música e habilidades fantásticas. Zancudos, malabaristas, fume de cores, contorsionistas, música de violins, pompas de xabón, carcajadas, equilibristas. Unha divertida aventura que non sabes onde termina.

Finalmente, ás 22:15, Scura Splats poñerá o punto final a Itineranta con Cavaltheos foc: a tribu dos Sus Scrofa perderon o lume e non coñecen a técnica para crealo. Para conseguilo teñen que ir buscalo a algún volcan. Sen o lume están a merced das bestas salvaxes e do clima. Por fin e por casualidade, un lóstrego regalalles o lume e con él volven á aldea. Durante a viaxe son atacados por bestas salvaxes, a ira dos deuses e o frío. Por fortuna o lume non para de lanzar chispas e provocar o xogo entre o público. A comitiva chega á aldea e o lume e depositado no seu templo e iniciase o ritual final co que se pretende que o lume non volte desaparecer.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos