in

A Mostra de Teatro de Ribeira comeza en outubro

fillosdosol6

Dez representacións forman o cartel da Mostra de Teatro de Ribeira 2018, a “proposta estrela” da Concellería de Cultura para o outono.

A Mostra desenvolverase todos os venres ás 21:30, agás a función inaugural, que será este sábado a cargo do Grupo Municipal de Teatro, con Cousas. Nesta edición as entradas terán un prezo simbólico de 3 euros, a excepción da función deste sábado, que será gratuita. A finalidade desta medida é darlle a posibilidade ao público de reservar butaca mediante a compra da entrada, para evitar saturacións no acceso ao auditorio.

Canto ás funcións da Mostra, o 5 de outubro Sergio Pazos presentará o monólogo Rebento se non o conto. Unha semana despois, o día 12, Mofa e Befa estarán con Cranios Privilexiados. O 19 de outubro será a quenda de Sénior, comedia protagonizada por Luis Iglesia e Marcos Orsi e dirixida por Avelino González. O mes rematará con Redrum e a súa montaxe de Estás aí, o 26.

PUBLICIDADE

Novembro comezará con Servidor de dous amos, de Talía Teatro, o día 2, e continuará o día 9 con O Furancho de Ibuprofeno Teatro, con Marián Bañobre e Isabel Risco. O día 16, Contraproducións poñerá en escena Fillos do sol alrededor da figura de Eduardo Pondal e o día 23 será a que representará Pan, Pan .

A mostra clausúrase o 30 de novembro co novo espectáculo de Papar sen cancelas, continuación de Falar sen cancelas.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    FiotPremioCultura

    O FIOT de Carballo recibe o Premio da Cultura Galega

    a leituga cea2

    ‘A leituga’ inicia xira de outono no Barco