A Fundación SGAE anuncia a apertura da convocatoria para a selección de textos teatrais destinados á colección Teatroautor Exprés, que estará vixente ata o vindeiro 23 de novembro.
Esta liña editorial, iniciada en 2013, contribúe á difusión e promoción da dramaturxia contemporánea. Ten como obxectivo, por tanto, colaborar cos autores na promoción dos seus traballos recentemente estreados, poñendo á súa disposición exemplares impresos da súa obra para a súa difusión entre críticos, compañías, produtores, programadores, académicos, etc.
A esta segunda convocatoria de 2018 pódense presentar aquelas obras de autores e autoras membros de SGAE que sexan obxecto de estrea absoluta entre o 1 de setembro de 2018 e o 31 de marzo de 2019, e que cumpran cos requisitos sinalados nas bases.
O prazo para a recepción de propostas remata ás 24:00 horas do xoves 23 de novembro de 2018.
Pódense descargar aquí as bases.
A única publicación periódica que ten como obxecto as artes escénicas galegas dende 1983.
- Sete persoas e entidades foron distinguidas nos IV Recoñecementos de Escena Galega das Artes Escénicas - 07/07/2026
- Moaña acolle a primeira edición do Festival Internacional das Culturas Mar da Illa de Samertolameu - 03/07/2026
- O Convento de Santa Clara acolle a Bienal de Artes Vivas de Pontevedra - 03/07/2026
