Actualidade

Escena Galega organiza as súas Xornadas Profesionais no Culturgal

PUBLICIDADE

Como todos os anos, Escena Galega organiza unha xornadas profesionais no marco do Culturgal. As xornadas desenvolveranse o venres 30 de novembro, no Salón de Actos do Pazo da Cultura de Pontevedra, desta volta baixo o título Unha escena galega para o futuro: na busca de novos modelos e sinerxias para a xestión e creación nas artes escénicas.

As xornadas constarán de 2 bloques: na xornada de mañá falarase de modelos de axudas públicas para as artes escénicas. Dentro deste bloque, Jacobo Sutil, director da Agadic, presentará a convocatoria 2019 das axudas deste organismo para, a continuación, debater sobre proxectos / espazos para a creación e residencia con distintos proxectos e modelos de xestión en España e Portugal.

No segundo bloque, xa pola tarde, haberá unha mesa redonda intersectorial para coñecer mellor aos outros sectores da cultura galega a través das súas respectivas asociacións profesionais, co obxectivo de buscar alianzas, estratexias e puntos en común.

 

O programa das xornadas será o seguinte:

De 10.00 a 10.15. Benvida aos / ás profesionais asistentes.

De 10.15 a 10.30. Inauguración das xornadas. Jacobo Sutil (director da AGADIC), Víctor López (presidente da Asociación CULTURGAL) e Belén Pichel (presidenta de ESCENA GALEGA).

 

BLOQUE 1 (MAÑÁ)

ESTRUTURAS DE APOIO Á CREACIÓN E CONTINUIDADE DOS PROXECTOS ESCÉNICOS.

De 10.30 a 12.30. Abrindo portas: distintos modelos nas artes escénicas para a creación, exhibición e residencia.

Interveñen: Ricardo Simões (director artístico do Teatro do Noroeste – Centro Dramático de Viana, compañía residente no Teatro Municipal Sá de Miranda de Viana do Castelo), Amaia Ibáñez (xerente de Eskena e responsable do centro de creación escénica Harrobia Eskena de Bilbao), Manel Rodríguez (director da fábrica de creación das artes ao vivo L’Estruch de Sabadell) e Caterina Varela (promotora dende o Colectivo rpm do programa de Residencias PARAISO).

Modera: Diego V. Meizoso (xerente de Escena Galega).

De 12.30 a 13.00. Pausa café.

De 13.00 a 14.30. Visión a medio e longo prazo: as axudas públicas como favorecedoras da continuidade nos proxectos escénicos.

Interveñen: Jacobo Sutil (director da AGADIC, presenta o novo modelo de axudas ás artes escénicas para a convocatoria 2019), Uxío Novo (consultor e xestor cultural, presenta as axudas europeas Europa Creativa e Erasmus K2 e as súas posibilidades para compañías de artes escénicas) e Xavier Marcé (ex-director do Institut Català de les Empreses Culturals e asesor cultural no Ajuntament de Barcelona, presenta o modelo catalán de axudas ás artes escénicas).

Modera: Belén Pichel (presidenta de Escena Galega).

De 14.30 a 16.00. Xantar compartido para relatores/as e compañías asociadas a Escena Galega no (restaurante do Pazo da Cultura)

 

BLOQUE 2 (TARDE)

MESA REDONDA INTERSECTORIAL: ENTRE NÓS, CARA ONDE CAMIÑA O SECTOR CULTURAL GALEGO?

De 16.00 a 18.00. Mesa redonda con Mercedes Castro (Vicepresidenta de ESCENA GALEGA-Asociación Galega de Empresas de Artes Escénicas), Henrique Alvarellos (Vicepresidente de AGE- Asociación Galega de Editoras), Dolores Ben (Presidenta de AGAPI), Javier Prado (Vogal da Xunta Directiva de MÚSICAS AO VIVO), Iria Vázquez (Vicepresidenta de A COLECTIVA-Asociación Profesional de Artistas de Galicia) e Emi Candal (representante da AGPXC-Asociación Galega de Profesionais da Xestión Cultural).

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!