in

Xerpo Cultural chega ao Salón Teatro de Compostela con ‘Casquería e outras vísceras’

Casquería
Irene Moreira é a creadora e directora desta proposta, que lle propón ao público unha reflexión sobre a incapacidade social para detectar o talento e sobre a supervivencia das minorías

 

O Salón Teatro de Santiago de Compostela acollerá esta fin de semana a Xerpo Teatro, compañía residente da Sala Ingrávida do Porriño, co seu espectáculo Casquería e outras vísceras. asina a dirección e desta montaxe, que Olga Cameselle e Álex Sobrino interpretarán na sede do Centro Dramático Galego (CDG) hoxe sábado 8, ás 20:3., e o domingo 9, ás 18:00.

A través da súa linguaxe poética, Casquería e outras vísceras fala da substancia interior do ser humano e proponlle ao público un espazo para a reflexión e para a acción. A isto contribúe, ademais, a forza impactante do espazo escénico deseñado por Montse Piñeiro, quen tamén se encargou da iluminación e do vestiario, así como o espazo sonoro de Natalia Cancela. Completa o equipo José Vaquero como axudante de dirección.

PUBLICIDADE

A través desta montaxe, Xerpo proponlle ao espectador unha pregunta: “Por que a sociedade non é quen de detectar o talento?” Na procura dunha resposta a esta cuestión, o espectáculo afonda na desconexión social coa identidade, especialmente coa das minorías, que se foi diluíndo no que a compañía define como “feitos maquinais”: traballo, consumo, supervivencia…

As entradas para as dúas funcións de Casquería e outras vísceras en Compostela xa están á venda a través do web entradas.ataquilla.com. Tamén poderán adquirirse no despacho de billetes do Salón Teatro, que estará aberto ao público desde dúas horas antes do inicio das representacións.

A programación na sede do Centro Dramático Galego continuará a semana que vén, cando chegará a Santiago a compañía Inversa Teatro para representar do martes 11 ao domingo 16 o seu espectáculo Sofía e as postsocráticas, tras o seu paso por Culturgal e a súa estrea oficial o pasado día 5 en Vigo.

PUBLICIDADE

PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará

GIPHY App Key not set. Please check settings

    DeixaDeTocalaSam02

    AveLina Pérez estrea ‘Deixa de tocala, Sam’ no Teatro Ensalle de Vigo

    Daniel Abreu

    TRC Danza 2018 remata este venres con ‘La desnudez’, de Daniel Abreu