PUBLICIDADE

Do 22 de marzo ao 13 de abril, Teatrofilia 2019 converterá Vedra na capital do teatro amador galego cun total de 15 espectáculos que configuran un programa diverso e integrador, onde se atopan propostas dos máis variados xéneros e disciplinas (comedia, drama, danza, circo, clown…), concibidas para todos os públicos.

As compañías galegas (novas e veteranas) son as auténticas protagonistas desta XVI edición pero, un ano máis, A Mostra recibe formacións chegadas de fóra: nesta ocasión, Teatro de Balugas (Portugal) e a Compagnia Teatrale Trebisonda Como (Italia).

Ademais, coma todos os anos, grazas á colaboración do Concello de Vedra e a área de Cultura da Deputación da Coruña contaremos coa presenza dunha compañía profesional. Desta volta será a Cía. Sincronacidas que nos presentará o seu espectáculo Oh!Limpiadas, recente gañador do Premio ao Mellor Espectáculo de Rúa no FETEN (Feria de Teatro Para Niños y Niñas) de Xixón.

O próximo venres 22 de marzo a compañía Trémola Teatro abrirá TEATROFILIA 2019 con Se pechas os ollos, unha peza de teatro contemporáneo que fala sobre a violencia de xénero e que foi premiada no certame Xuventude Crea. Ese mesmo día farase entrega do premio do concurso de carteis á ilustradora Olaya Naveira, autora da imaxe desta edición.

Podedes consultar o programa de Teatrofilia 2019 no cartel:

 

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos