Actualidade

PT Excéntricas estrea’ Cartoóns’ en Rianxo

PUBLICIDADE

A compañía anuncia, ademais, a estrea dunha versión de Medida por medida, de Shakespeare, en outubro, no FIOT de Carballo.

 

Producións Teatrais Excéntricas celebra neste 2019 o seu 15º aniversario e faino con varias estreas: tras Vacas, Guerras, Porcos e Cregos (8 de xaneiro en Madrid) e Tres Vellas, polo menos (16 de febreiro en Vimianzo) –espectáculos unipersoais de Quico Cadaval– e Carpe Diem (27 de febreiro en Santiago de Compostela), esta semana estrean Cartoóns,en coprodución con Teatro de Adro, o primeiro espectáculo infantil na historia da compañía. A función será este sábado 13 de abril, ás 19:00, no Auditorio Municipal de Rianxo.

Cartoóns é un proxecto creado na súa totalidade por Víctor Mosqueira e Josito Porto coas colaboracións de Kukas (na escenografía e no deseño gráfico), Quico Cadaval (na dirección) e Pepe Quintela (na iluminación). Un espectáculo de estilo clown e musical, de 60 minutos de duración, con versión de rúa, e dirixido especialmente a nenos de 4 a 12 anos, sen esquecer a todo tipo de público familiar. É dicir, para todas as idades.

Logo de Rianxo, os pallasos Víctor e mais Josito comenzarán unha extensa xira con funcións xa confirmadas en Bandeira, a Illa de Arousa, a Mostra de Cangas, A Pobra do Caramiñal ou o Salón Teatro de Compostela, antes de dar o salto a Portugal e ao resto da península.

E tras Cartóons, PT Excéntricas anuncia unha nova estrea, o venres 4 de outubro, no FIOT de Carballo: Medida por Medida, de William Shakespeare, un espectáculo de gran formato dirixido por Quico Cadaval e protagonizado por Melania Cruz, Evaristo Calvo, Patricia Vázquez, Víctor Mosqueira, María Costas, Josito Porto e algún outro actor por confirmar.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos