PUBLICIDADE

A Escola da Noite estrea hoxe, no Teatro da Cerca de São Bernardo de Coimbra, “o homem que”a partir da obra de Augusto Baptista. Con dirección de António Augusto Barros e concepción plástica de António Augusto Barros e Ana Rosa Assunção,“o homem que” é un espectáculo / instalación que lle presenta ao público o sorprendente, poético e ben humorado universo dun autor que permanece descoñecido e afastado dos canons e dos circuítos estabelecidos.

Nacido en Oliveira de Azeméis e radicado no Porto, Augusto Baptista é xornalista de profesión, e defínese a si mesmo como alguén que cruza escritas: texto, fotografia, deseño, textos curtos e moi curtos –contos, micro-contos, “enigmas” que parecen haikus– e até figuracións en tangram, o célebre xogo inventado na China e no cal se tornou especialista.

Con varias exposicións realizadas, individuais e colectivas, ten varios libros publicados, entre os cales destacan Floripes Negra, Histórias de coisa nenhuma e outras pequenas insignificâncias, O caçador de luas, Elucidário oblíquo do reino dos bichos, Moustache, Rabo de gato, o homem que… ou, en colaboración con Francisco Duarte Mangas, O medo não podia ter tudo e A cidade escrita. Como creador de tangram, editou Tangram Art, Tangram design, Tangram cats e Tangram humanas figurações.

É socio fundador e membro da dirección da Associação Cena Lusófona, integra a Associação de Jornalistas e Homens de Letras do Porto e é dende hai mais de duas décadas fotógrafo de escena d’A Escola da Noite, tendo documentado a maioria dos espectáculos da compañía.

É esta multiplicidade de formas que A Escola da Noite quere agora traspor á escena e outros espazos do TCSB, nunha das moitas viaxes posíbeis a que a súa obra, tan singular, convida. Entre cadrados, triángulos e o paralelogramo, a angulosidade do trazo, a luz da fotografía e o fascinio polas palabras, pola linguaxe e pola complexidade humana.

A estrea será esta noite ás 21:30 e a obra permanecerá en cartel ata o 30 de xuño: os xoves ás 19:00, venres e sábados ás 21:30 e domingos ás 16:00.

 

Ficha

Textos, desenhos, tangram e fotografias: Augusto Baptista
Dramaturxia e dirección: António Augusto Barros
Elenco: Igor Lebreaud, Maria João Robalo, Miguel Magalhães, Sofia Lobo
Dirección plástica: Ana Rosa Assunção, António Augusto Barros
Vestiario e atrezzo: Ana Rosa Assunção
Deseño de luz: Danilo Pinto
Sonoplastia: Zé Diogo
Vídeo: Eduardo Pinto
Montaxe: Danilo Pinto, Eduardo Pinto, Rui Valente, Zé Diogo

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!

erregueté en papelSúmate ao movemento #erreguelove!

Por só 20 euros ao ano recibirás dúas revistas coa edición de textos dramáticos