Actualidade

Homenaxe a Ernesto Chao e á Agrupación Abrente na MIT

PUBLICIDADE

| Foto: Tragaluz / AAAG |

 

A MIT reunirá á escena galega e ao público nun acto institucional e civil que quere recordar o legado e a memoria da Asociación Cultural Abrente, que tanto significou para a vida teatral de Ribadavia e a historia do teatro galego, e para homenaxear ao finado actor ribadaviense Ernesto Chao, membro tamén da citada Asociación Abrente, que en 2019 celebra o 50 aniversario do seu nacemento.

Ernesto Chao foi un actor cunha dilatada experiencia profesional, especialmente no teatro, cunha carreira ininterrompida desde 1969 onde destaca, entre outras, a fundación de compañías míticas como Abrente e Artello e a súa colaboración en proxectos como Teatro do Malbarate. Director do Centro Dramático Galego de 1986 a 1987, Chao fundou a súa propia compañía teatral, Lagarta Lagarta S.L. xunto coa súa esposa, a tamén actriz Rosa Álvarez. Xunto co seu traballo como intérprete, destaca a súa actividade en favor da mellora das condicións profesionais do sector coa fundación en 1985 da Asociación de Actores e Actrices de Galicia, da que tamén foi Presidente.

Entre os recoñecementos recibidos por Ernesto Chao está o Premio de Honra Abrente no Festival Internacional de Teatro de Ribadavia, o Premio Compostela de Teatro ao Mellor Actor Protagonista por Galileo Galilei, o Premio Chano Piñeiro do Audiovisual Galego como Mellor actor protagonista por Condenado a vivir, Premio de Honra Pedigree do VII Festival de Cans ou o Premio de Honra Fernando Rey por toda a súa traxectoria profesional.

Ao remate do acto, no que intervirán Eduardo Alonso, Mabel Rivera, Antonio Durán Morris e membros de Abrente, descubrirase unha placa na fachada da súa casa natal de Ribadavia.

 

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Relacionado

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!