in

Faleceu Celso Parada, figura fundamental do teatro

celsoparada

, actor, director, fundador do e figura fundamental do teatro galego das últimas décadas faleceu hoxe, despois dunha longa loita contra a enfermidade.

Parada é unha das figuras máis salientables da xeración que deu inicio ao teatro galego profesional. Formado xunto a figuras como Ryzard Cieslak, Etelvino Vázquez ou Victor Rotelli,a súa delongada carreira inclúe ducias de espectáculos, especialmente coas compañías Teatro do Morcego, da que foi fundador (O Lazariño de Tormes, Rapsodia Pimenteliana, Misterio cómico, Morte accidental dun anarquista, Os vellos non deben de namorarse, A gran ilusión, Momo, A farsa do bululú, O burgués fidalgo…), Via Láctea (Multimedia), Produccións Teatrais do Sur (Sempre Ubú, Macbett…), e co Centro Dramático Galego (A comedia do gurgullo, O colaborador, A cacatúa verde, O regreso ao deserto…).

Foi recoñecido por numerosos premios como o Premio Compostela ao mellor actor protagonista por Misterio Cómico, dirixido por Júlio Cardoso, en 1992; o Premio María Casares ao mellor texto adaptado polo Lazariño de Tormes, en 1998; o Xograr de Outono do Festival Outono de Teatro de Carballo en 2005; ou o Premio Roberto Vidal Bolaño ao Mérito Teatral en 2006.

PUBLICIDADE

O pasado marzo, Celso Parada foi nomeado Académico de Honra pola Academia Galega de Teatro. A Mostra de Cangas exhibiu até o pasado 31 de xullo unha exposición que celebraba o trixésimo aniversario da compañía Teatro do Morcego.

 


Este artigo foi enmendado ás 23:30 con precisións que corrixen ambigüidades na versión anterior.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

Un comentario

  1. Vaise un grande, pero permanecerá na memoria a través dos seus traballos teatrais e audiovisuais. Queda a súa enerxía singular e o seu gran talento, matizado polo sentido do humor. Tributo sempre para un dos nomes senlleiros do teatro galego.

kirenia1

Kirenia C. Martínez Acosta desenvolve unha performance en Italia

OElecto

Contraproducións estreará ‘O electo’ no vindeiro FIOT de Carballo