Actualidade

Pontevedra recrea os anos 20 coa cuarta edición de ‘Ponte Coqueta’

PUBLICIDADE

A cuarta edición de “Ponte Coqueta” en Pontevedra estará dedicada á muller e ao cabaret dos anos 20 aos 50. As actividades comezarán o vindeiro luns 26 de agosto e prolongaranse ata o domingo 1 de setembro. A concelleira de Festas, Carme da Silva, e o promotor desta iniciativa cultural, Marcelo Dobode, presentaron ‘Ponte Coqueta 2019’ nun acto no que animaron a todos os veciños a “sacar a revolución que levan dentro”.

A programación arrinca o luns 26 de agosto no Casino Mercantil coa conferencia “A muller e o cabaré da Galiza”, que impartirá Iria Piñeiro e na que falará da importancia da muller na música galega. Será a partir das 20:00. O mércores 28 haberá un taller infantil de cabaret no Mercantil a partir das 18:00. A actividade repetirase ao día seguinte no mesmo sitio e á mesma hora.

Para os maiores tamén haberá talleres na Casa Azul tanto de iniciación como avanzados. Por unha banda, o xoves serán os talleres de cabaret e o venres de baile lindy hop. Poderán apuntarse todas as persoas que queiran iniciarse nos bailes e ás 20:00 aqueles que queiran perfeccionalo. Para este último taller será necesario acudir con parella.

O venres ás 22:00 poderá verse un espectáculo de cabaret ao aire libre. Celebrarase na Praza de Curros Enríquez e os seus organizadores prometen que estará “cheo de sorpresas”, explicou Marcelo Dobode. Faranse bailes na rúa da man de Iria Piñeiro e Marinita Quellas, entre outras.

 

FIN DE SEMANA

O sábado empezarase cedo con outro taller de iniciación, esta vez ao lindy hop. Será no Mercantil e empezará ás 9:00 o de iniciación e ás 11:00 o avanzado. Ás 12:00 terá lugar a mostra de swing, lindy hop e charlestón nas prazas da Ferrería, Peregrina e Curros Enríquez.

As actividades do sábado realizaranse na Praza de Curros Enríquez. Ás 13:00 está fixada a Sesión vermú cun concerto do grupo Comando Foucellas; ás 17:00, un taller infantil de cabar´w onde se incluirá a presentación do espectáculo que preparen.

Ás 18:00 haberá unha clase aberta de swing e, como colofón para esta actividade, celebrarase o Baile Coqueto cos concertos de Áureas e de Sar Swing Quartet, que encherán a praza de música swing que “fará bailar a todo o mundo que se achegue”.

Compartir

Share on facebook
Share on twitter
Share on linkedin
Share on whatsapp
Share on email

PUBLICIDADE

PUBLICIDADE

Deixar un comentario

Subscríbete

Recibe as novas, artigos, entrevistas e contidos da Erregueté para que non perdas unha!