in

Volve a Pontevedra Núbebes, o festival para os máis cativos

OloboealuaBaobab

O VII Festival das Núbebes de Pontevedra presentou o seu programa de actividades de artes escénicas dirixido especialmente a naipelos e familias, para cuxa celebración conta co apoio da Xunta de Galicia. O certame, único na Comunidade deste xénero dedicado por completo ás idades máis temperás, desenvolverase en dúas fins de semana consecutivas, os días 20, 21, 22, 28 e 29 de setembro, cunha carteleira que abrangue teatro, contos, música e obradoiros.

O cartel do VII Festival das Núbebes comeza o venres 20 no Teatro Principal cunha sesión de teatro, monicreques e música que contará con Cora Velasco como artista convidada. Nos restantes catro días do encontro, a actividade estenderase a outros emprazamentos, como o Padroado de Turismo Rías Baixas, a Casa Azul, o Centro Social do Casino Mercantil e o Sexto Edificio do Museo de Pontevedra, ademais da praza do Teucro, onde terá lugar o domingo 29 a xa tradicional guerra de almofadas e coxíns que precederá o espectáculo musical A voar, da Cé Orquestra Pantasma.

Outras formacións que presentarán as súas montaxes son Mercedes Prieto con Ninananas, Kamante Teatro con Sembrando historias, Asociación Down Pontevedra con Cociñando [email protected], e Xabi de Camiño con Kenka un kenko, Nieves López López con Apertas de familia, Baobab Teatro con O lobo e a lúa, O Mago Paco con Patapatún, tun, tun!!, Eugenia Manzanera con Caracoles, Flauta Mágica con Lúa, lúa, sol, ou con O xogo de Nano, entre outras. Varias propostas van dirixidas á franxa de idade de cero a doce meses e todas elas están recomendadas especialmente para nenos e nenas ata os seis anos.

PUBLICIDADE

Pódese descargar o programa completo do festival aquí.

PUBLICIDADE
PUBLICIDADE
PUBLICIDADE
Redacción

Redacción

Somos a erregueté | Revista Galega de Teatro.
A única publicación periódica que ten como obxecto as artes escénicas galegas dende 1983.

Deixa unha resposta

Avatar

O teu enderezo electrónico non se publicará Os campos obrigatorios están marcados con *

GIPHY App Key not set. Please check settings

    BarbaOdinTeater

    A profesión teatral, sorprendida e indignada ante a falta de apoio ao FITO de Ourense

    QuandoQuebraQueima

    Comeza no Porto o V MEXE – Encontro Internacional de Arte e Comunidade